کرکٹ آسٹریلیا نے نیو ساؤتھ ویلز میں بڑھتے ہوئے کورونا کیسز کے پیش نظر گراؤنڈ میں شائقین کی تعداد کم کرنے کا فیصلہ کیا ہے۔
کرکٹ آسٹریلیا کے سی ای او نک ہاکلے نے کہا کہ نیو ساؤتھ ویلز میں عوام کی صحت کو مدنظر رکھتے ہوئے ہم این ایس ڈبلیو سے بات کررہے ہیں کہ وہ ہمارے عملے، کھلاڑیوں، براڈکاسٹرز، میچ عہدیدان اور شائقین کے لیے مناسب بایو سیفٹی پروٹوکال پر قدم اٹھائے جس سے ہم سڈنی کرکٹ گراؤنڈ پر تیسرا ٹیسٹ میچ مکمل سکیورٹی کے ساتھ کراسکیں۔
انہوں نے کہا کہ خاص طور پر سکیورٹی کے معاملے میں سماجی فاصلے کو مدنظر رکھتے ہوئے ہم نے فیصلہ کیا ہے کہ اسٹیڈیم میں شائقین کی تعداد کم رہے گی۔ ہم ٹکٹ لینے والے تمام ناظرین کا صبر رکھنے پر شکریہ ادا کرنا چاہتے ہیں۔
