آسٹریلیا کے سڈنی کرکٹ گراؤنڈ میں کھیلے گئے تیسرے ٹی 20 میچ میں آسٹریلیا نے بھارت کو 12 رنز سے شکست دے دی۔ لیکن تین میچوں کی یہ سیریز بھارت نے 2-1 سے اپنے نام کرلیا ہے۔
بھارت کو جیتنے کے لیے 187 رنز کا ہدف ملا تھا۔ کپتان وراٹ کوہلی کی 85 رنز کی عمدہ اننگز کے باوجود مقررہ 20 اوورز میں سات وکٹوں پر 174 ہی رنز بنا سکے اور یہ میچ 12 رنز سے ہار گئے۔
بھارت کی طرف سے صرف کوہلی ہی اچھی بلے بازی کرسکے۔ شیکھر دھون نے دوسری وکٹ کے لیے 74 رنز کی پارٹنرشپ کی۔
کپتان کوہلی نے اپنی اننگز کے دوران 61 گیندوں پر چار چوکے اور تین چھکے کی مدد سے 85 رنز بنائے۔ آخر میں، شاردل ٹھاکر نے سات گیندوں پر دو چھکوں کی مدد سے ناقابل شکست 17 رنز بنا کر بھارت کو جیت دلانے کی پوری کوشش کی لیکن وہ کامیاب نہ ہوسکے۔
آسٹریلیا کی جانب سے مشیل سویپسن نے سب سے زیادہ تین وکٹ حاصل کیں۔ اس سے قبل آسٹریلیا نے میتھیو ویڈ کی قیادت میں اپنے بلے بازوں کی عمدہ کارکردگی کی وجہ سے بھارت کے سامنے 187 رنز کا ہدف دیا تھا۔
تیسرے ٹی 20 میچ میں مشیل سویپسن کو مین آف دی میچ کا ایوارڈ دیا گیا جبکہ پلیئر آف دی سریز کا ایورڈ ہاردک پانڈیا کو دیا گیا۔
