بنگلورو: انڈیا اے نے جو کارٹر (111) کی سنچری کی بدولت تیسرے غیر تسلیم شدہ ٹیسٹ کے چوتھے دن اتوار کو نیوزی لینڈ اے کو 113 رنز سے شکست دے دی۔ انڈیا-اے نے دوسری اننگز میں 359/7 پر اننگز ڈکلیئر کر دی اور نیوزی لینڈ-اے کو 416 رنز کا ہدف دیا۔ سوربھ کمار نے دوسری اننگز میں شاندار بولنگ کرتے ہوئے پانچ وکٹیں حاصل کیں جس کی وجہ سے ٹام بروس کی ٹیم 302 رنز پر آل آؤٹ ہوگئی۔India A Cricket Team
اس جیت کے ساتھ ہی انڈیا اے نے تین غیر تسلیم شدہ ٹیسٹ سیریز 1-0 سے جیت لی۔ نیوزی لینڈ-اے نے چوتھے دن 20/2 کے اسکور کے ساتھ اننگز کو آگے بڑھایا، شاردل ٹھاکر کی شاندار گیند پر جو واکر (07) کی وکٹ گرگئی۔ کارٹر نے پھر ڈین کلیور کے ساتھ تیسری وکٹ کے لیے 85 رن کی شراکت کی جس میں کارٹر نے ایک سرے کو تھامے رکھا، جبکہ کلیور نے تیز کھیلتے ہوئے 60 گیندوں پر نو چوکوں کی مدد سے 45 رنز بنائے۔
کارٹر نے مارک چیپ مین کے ساتھ چوتھی وکٹ کے لیے 82 رنز بھی جوڑے۔ سرفراز خان کے آؤٹ ہونے سے قبل چیپ مین نے 61 گیندوں پر 45 رنز بنائے۔ نیوزی لینڈ نے دوسرے سیشن کے اختتام تک صرف چار وکٹیں گنوائی تھیں اور میچ ڈرا کی طرف بڑھ رہا تھا۔
کیویز کو آخری سیشن میں 195 رنز درکار تھے جسے حاصل کرنے کی کوشش میں ٹیم نے جلدہی وکٹ گنوا دیے۔ سرفراز نے رابرڈ او ڈونل (19) کے ساتھ اپنی دوسری وکٹ حاصل کی، جب کہ ٹام بروس (19) اور شان سولیا (08) سوربھ کی گیندپر ایل بی ڈبلیو ہوئے۔
کیم فلیچر (13) اور جیکب ڈفی (04) کے آؤٹ ہونے کے بعد کارٹر بھی سنچری مکمل کرنے کے بعد پویلین لوٹ گئے اور نیوزی لینڈ کی ٹیم 302 پر سمٹ گئی۔ کارٹر نے تنہا جدوجہد کرتے ہوئے 230 گیندوں کی اننگز میں 12 چوکے اور ایک چھکا لگایا۔
یہ بھی پڑھیں: Shami Tests Covid Positive شمی کورونا سے متاثر، آسٹریلیا ٹی ٹوئنٹی سیریز سے باہر
یو این آئی
