سڈنی: جوش فلپ، بین میک ڈرموٹ، کرس گرین اور بین ڈوارشوئس کو بھارت میں جاری ٹی 20 سیریز کے آخری میچوں کے لیے آسٹریلیا کی ٹیم میں شامل کیا جائے گا اور کئی کھلاڑی وطن واپس جائیں گے۔ نیو ساؤتھ ویلز اور سڈنی تھنڈر کے آف اسپنر کرس گرین ممکنہ طور پر بھارت میں ٹی 20 اسکواڈ میں بلائے جانے کے بعد آسٹریلیائی ٹیم میں ڈیبیو کریں گے۔ وکٹ کیپر بلے باز جوش فلپ اور بین میک ڈرموٹ بھی بائیں ہاتھ کے تیز گیند باز بین ڈوراشوئس کے ساتھ اس دورے میں شامل ہو رہے ہیں۔
منگل کو گوہاٹی میں تیسرے میچ کے بعد کھلاڑیوں کا ایک گروپ گھر روانہ ہو رہا ہے۔ شان ایبٹ، جوش انگلیس، گلین میکسویل، مارکس اسٹونس، اسٹیون اسمتھ اور ایڈم زمپا ون ڈے ورلڈ کپ جیتنے کے بعد وطن واپس پہنچیں گے جبکہ ٹریوس ہیڈ ٹیم میں رہیں گے اور اوپننگ بھی کریں گے۔
میک ڈرموٹ اور فلپ بھارت پہنچ گئے ہیں جبکہ گرین اور ڈوارشوئس چوتھے میچ کے لیے رائے پور پہنچنے پر ٹیم کو جوائن کریں گے۔ 30 سالہ گرین نے ٹی 20 کرکٹر کے طور پر اپنی شناخت بنائی ہے، حالانکہ گزشتہ 12 مہینوں میں وہ نیو ساؤتھ ویلز کی شیفیلڈ شیلڈ ٹیم میں باقاعدہ کھلاڑی ہیں۔ بگ بیش لیگ میں انہوں نے تھنڈر کے لیے 29.56 کی اوسط اور 7.14 کی اکانومی ریٹ سے 66 وکٹیں حاصل کیں۔ کرس گرین پوری دنیا میں ٹی ٹوئنٹی میچ کھیل چکے ہیں۔
فلپس مغربی آسٹریلیا کے وکٹ کیپر بلے باز ہیں۔ انہوں نے 2021 کے اوائل میں نیوزی لینڈ کے خلاف اپنا ٹی 20 ڈیبیو کیا۔ انہوں نے اپنے دوسرے اور تیسرے میچ میں 45 اور 43 کے اسکور کے ساتھ کچھ متاثر کن اننگز کھیلی لیکن وہ ویسٹ انڈیز اور بنگلہ دیش کے دورے پر اپنی اگلی سات اننگز میں 13 رن سے زیادہ نہیں بنا سکے۔
انہوں نے سیزن کے آغاز میں آسٹریلیا اے کے لیے نیوزی لینڈ اے کے خلاف سنچری بھی بنائی تھی۔ میک ڈرموٹ ان میں سب سے زیادہ تجربہ کار ہیں جنہوں نے پانچ ون ڈے اور 23 ٹی ٹوئنٹی میچ کھیلے ہیں۔ خیال ر ہے کہ بھارت آسٹریلیا کے پانچ میچوں کی ٹی ٹوئنٹی سیریز میں بھارت دو صفر سے آگے ہے۔
آسٹریلیا کا نیا اسکواڈ: میتھیو ویڈ (کپتان)، جیسن بہرنڈورف، ٹم ڈیوڈ، بین ڈوارشوئس، نیتھن ایلس، کرس گرین، ایرون ہارڈی، ٹریوس ہیڈ، بین میک ڈرموٹ، جوش فلپ، تنویر سنگھا، میٹ شارٹ، کین رچرڈسن۔
یہ بھی پڑھیں
