نئی دہلی:قو می دارالحکومت نئی دہلی میں واقع ارون جیٹلی اسٹیڈیم میں آئی سی سی منز ورلڈ کپ 2023 کے 38 ویں میچ میں شکست خوردہ بنگلہ دیش اور سری لنکا کی ٹیمیں نبرد آزما ہیں۔
دونوں ٹیموں نے رواں آئی سی سی منز ورلڈ کپ 2023 میں نہایت ہی مایوس کن کارکردگی کا مظاہرہ کیا ہے۔سری لنکا کو اپنے آخری میچ میں ہندوستان کے خلاف 302 رنوں سے شکست شکست کا سامنا کرنا پڑا تھا۔
دوسری طرف بنگلہ دیش کو آخری میچ میں پاکستان کے ہاتھوں سات وکٹوں سے شکست سے دوچار ہونا پڑا تھا۔ دونوں ٹیموں کے پاس اس ورلڈ کپ میں کھونے کے لئے کچھ بھی نہیں ہے۔
سری لنکا سات میچوں میں دو جیت کی بدولت پوائنٹ ٹیبل میں چار پوائنٹ کے ساتھ ساتویں پوزیشن پر ہے جبکہ بنگلہ دیش سات میچوں میں ایک جیت کی بدولت دو پوائنٹ کے ساتھ 9 ویں مقام پر ہے۔دونوں ٹیموں کو پاکستان میں ہونے والی آئی سی سی چمپئنز ٹرافی میں کوالیفائی کرنےکے لئےآج کے میچ میں جیت درج کرنی پڑے گی۔
یہ بھی پڑھیں:سالگرہ پر ورلڈ کپ میں سنچری بنانے والے ویراٹ کوہلی پہلے بھارتی کھلاڑی
آج کے میچ میں بنگلہ دیش اور سری لنکا کی ٹیموں نے اپنے اپنے فرسٹ الیون میں تبدیلی کیا ہے۔مستفیض الرحمن کو بنگلہ دیش کی ٹیم میں شامل نہیں کیا گیا ہے جبکہ کوسال پریرا اور دھننجے کی سری لنکا کی ٹیم میں واپسی ہوئی ہے۔
