پنجاب نے آل راؤنڈر لیام لیونگسٹون (64) کی دھماکہ خیز نصف سنچری کی بدولت 2022 کے آئی پی ایل کے 16ویں میچ میں 20 اوورز میں نو وکٹ پر 189 کا مضبوط اسکور بنایا، جب کہ گجرات نے 20 اوورز میں چار وکٹ پر 190 رنز بناکر میچ جیت لیا۔ ٹاس ہارنے کے بعد پہلے بلے بازی کرتے ہوئے پنجاب نے ابتدائی دو وکٹیں جلد ہی گنوا دیں، جس سے ٹیم کو سست اور خراب آغاز ملا، لیکن پھر بلے باز لیونگ اسٹون نے طوفانی بلے بازی کی بدولت رفتار پکڑی۔ جیتیش شرما اور شاہ رخ خان نے ان کا بہت اچھا ساتھ دیا۔ جیتیش اور شاہ رخ نے بھی اسٹون کے ساتھ بلے بازی کی اور پھر آخر میں راہل چاہر اور ارشدیپ سنگھ نے بالترتیب 22 اور 10 رنز کی تیز اننگز کھیل کر پنجاب کو 189 کے بڑے اسکور تک پہنچا دیا۔ Gujarat Titans Beat Punjab Kings by 6 wickets
کپتان مینک اگروال 11 اور جونی بیرسٹو 34 رنز پر آؤٹ ہونے کے بعد تجربہ کار بلے باز شیکھر دھون نے لیونگ اسٹون کے ساتھ تیسری وکٹ کے لیے 52 رنز کی اہم شراکت داری کی۔ تاہم شیکھر نے 86 کے اسکور پر اپنی وکٹ گنوائی جس کے بعد لیونگ اسٹون نے ون مین آرمی کا مظاہرہ کیا اور شاندار انداز میں بلے بازی کرتے ہوئے 27 گیندوں میں سات چوکوں اور چار چھکوں کی مدد سے 64 رنز بنائے جب کہ جیتیش نے ایک چوکا اور دو چھکے لگائے۔اور شاہ رخ نے آٹھ گیندوں میں دو چوکوں کی مدد سے 15 رنز بنائے۔ شیکھر نے 30 گیندوں میں چار چوکوں کی مدد سے 35 رنز بنائے۔ چاہر نے 14 گیندوں میں دو چوکوں اور ایک چھکے کی مدد سے 22 رنز بنائے اور ارشدیپ نے پانچ گیندوں میں ایک چوکے کی مدد سے 10 رنز بنائے۔ Gujarat Titans vs Punjab Kings
یہ بھی پڑھیں: IPL 2022: دہلی کے خلاف لکھنئو کی شاندار جیت
گجرات کی جانب سے راشد خان نے چار اوورز میں 22 رنز دے کر تین وکٹیں حاصل کیں جبکہ درشن نالکنڈے نے دو اور ہاردک پانڈیا، محمد شامی اور لوکی فرگوسن نے ایک ایک وکٹ حاصل کی۔ پنجاب کنگز کی جانب سے کگیسو ربادا نے چار اوورز میں 35 رنز دےکر دو جبکہ راہل چاہر نے 41 رنز دے کر ایک وکٹ حاصل کی۔ گجرات ٹائٹنز کے اوپنر بلے باز شبھمن گل کو پلیئر آف دی میچ کے ایوارڈ سے نوازا گیا۔ Shubman Gill Player of the Match
