جمعرات کو کھیلے گئے چوتھے میچ میں بھارت نے انگلینڈ کے مقابلے میں ہر لحاظ سے بہتر کارکردگی کا مظاہرہ کیا۔ بھارت نے مقررہ 20 اوورز میں آٹھ وکٹوں پر 185 رنز بنانے کے بعد انگلینڈ کو آٹھ وکٹ پر 177 رن پر روک کر 8 رنز سے جیت درج کی اور سیریز میں برابری حاصل کرنے والی جیت اپنے نام کی۔ اس سے قبل انگلینڈ نے تیسرا میچ آٹھ وکٹوں سے جیتا تھا، جبکہ بھارت نے دوسرا میچ سات وکٹوں سے جیت کر سیریز میں 1-1 سے برابری حاصل کی تھی۔ جب کہ انگلینڈ نے پہلا میچ بھی آٹھ وکٹوں سے جیتا تھا۔
واضح رہے کہ بھارت نے دونوں ممالک کے مابین ٹیسٹ سیریز 1-3 سے جیت لی تھی۔ دونوں ممالک کے مابین تین میچوں کی ون ڈے سیریز 23 مارچ سے شروع ہوگی اور بھارتی ٹیم ون ڈے سیریز میں فاتحانہ انداز میں اترنا چاہے گی، لیکن اس کے لئے اسے آخری ٹی-20 میچ جیتنا ہوگا جو پہلے چار میچوں کی طرح احمد آباد کے نریندر مودی اسٹیڈیم میں ہی کھیلا جائے گا۔
چوتھے مقابلے میں بھارت کے لیے سب سے اچھی بات آل راؤنڈر ہاردک پانڈیا کا چار اوورز کی پوری گیندبازی کرنی رہی۔ پانڈیا نے چار اوور ڈالے اور صرف 16 رن خرچ کرکے دو وکٹ بھی حاصل کیے۔ تجربہ کار فاسٹ بولر شاردل ٹھاکر نے 42 رنز خرچ کرکے تین وکٹیں حاصل کیں، جبکہ اسپن شعبے میں راہل چاہر نے 35 رن پر دو وکٹ لئے۔ جب کہ بھونیشور کمار نے 30 رنز خرچ کرنے کے بعد ایک وکٹ حاصل کیا۔
اس نقطہ نظر سے دیکھا جائے تو بھارت کی گیندبازی کافی حد تک پانڈیا پر منحصر رہی۔ پانڈیا نے اپنے چار اوورز میں صرف 16 رنز دے کر جیسن رائے اور سام کورین کے وکٹس حاصل کئے۔
یو این آئی
