پاکستان کی ایک میڈیا رپورٹ کے مطابق انگلینڈ کی کرکٹ ٹیم ستمبر کے دوسرے ہفتے میں سات ٹی ٹوئنٹی میچز کھیلنے کے لیے پاکستان کا دورہ کرنے والی ہے۔ ٹیلی ویژن چینل سما کی رپورٹ کے مطابق پاکستان کرکٹ بورڈ (پی سی بی) اور انگلینڈ اینڈ ویلز کرکٹ بورڈ (ای سی بی) دورے کو حتمی شکل دینے کے عمل میں ہیں۔ England to tour Pakistan in September this year report
رپورٹ میں ذرائع کے حوالے سے بتایا گیا ہے کہ سات میچوں کی ٹی ٹوئنٹی سیریز 15 ستمبر سے 2 اکتوبر تک کھیلی جائے گی۔ میچز تین مقامات ملتان، راولپنڈی اور لاہور میں کھیلے جانے کا امکان ہے۔ گزشتہ ہفتے پاکستان کرکٹ بورڈ کے چیئرمین رمیز راجہ نے برطانوی کمشنر کرسچن ٹرنر سے ملاقات کے بعد کہا تھا کہ دورے کی تاریخوں کا اعلان جلد کیا جائے گا۔ Pakistan vs England T20 Series
یہ بھی پڑھیں: ICC ODI Rankings: آئی سی سی ون ڈے رینکنگ میں بھارت سے آگے نکلا پاکستان
رپورٹ میں دعویٰ کیا گیا کہ انگلینڈ کو ابتدائی طور پر پانچ ٹی ٹوئنٹی کھیلنا تھا لیکن ای سی بی کے سابق چیف ایگزیکٹیو ٹام ہیریسن نے مزید دو ٹی ٹوئنٹی کھیلنے کی منظوری دی۔ رپورٹ میں کہا گیا ہے کہ سیریز کو کامیاب بنانے کے لیے دونوں کرکٹ بورڈز نے ورکنگ کمیٹی بھی تشکیل دے دی ہے۔
