سندھ ہائی کورٹ کے چیف جسٹس احمد علی شیخ کی سربراہی میں دو رکنی بینچ نے دانش کنیریا کی درخواست پر سماعت کی۔ Cricketer Danish Kaneria Reach High Court
دانش کنیریا کے وکیل کا کہنا تھا کہ دانش کنیریا کو پی سی بی بحالی پروگرام میں شامل ہونے کی اجازت دی جائے۔
اس کے جواب میں پی سی بی کے وکیل کا کہنا تھا کہ دانش کنیریا پر انگلش کاؤنٹی کلب نے پابندی لگائی ہے Ban on Danish Kaneria اور دانش کنیریا پر تاعمر کیلئے پابندی لگائی گئی ہے۔
پی سی بی کے وکیل کا کہنا تھا کہ انگلینڈ کی عدالت نے بھی دانش کنیریا کی اپیل مسترد کی تھی۔
واضح رہے کہ سابق کرکٹر پر اسپاٹ فکسنگ کا الزام ہے۔
دانش کنیریا کے وکیل کا کہنا تھا کہ کرکٹر نے اسپاٹ فکسنگ نہیں کی، صرف میٹنگ کروائی تھی جسے وہ قبول بھی کر چکے ہیں۔
انہوں نے کہا کہ فکسنگ کرنے والوں کو کھیلنے کی اجازت مل گئی ہے لہٰذا دانش کنیریا کو بھی ڈومیسٹک میچز میں کوچنگ کی اجازت دی جائے۔
سندھ ہائی کورٹ نے فریقین کے دلائل سننے کے بعد دانش کنیریا کی ڈومیسٹک اور لیگ کرکٹ میں کوچنگ کی اجازت دینے کی درخواست مسترد کر دی۔
