کرکٹ کے تاریخی میدان لارڈ میں اتوار کے دن انگلینڈ اور نیوزی لینڈ کی ٹیمیں پہلی مرتبہ کرکٹ کے ورلڈ چمپئن بننے کے ارادے سے میدان میں اتریں گی ۔دونوں ہی ٹیموں کے پاس تاریخ رقم کرنے کا سنہرا موقع ہے۔
دنیا ئے کرکٹ کو نئے عالمی چیمپئن ملنے میں صرف 24 گھنٹہ سے بھی کم وقت رہ گیا ہے ۔
1992 کے بعد انگلینڈ کی ٹیم پہلی بار فائنل میں پہنچی ہے۔اس سے قبل انگلینڈ کی ٹیم 1979،1987 اور1992 میں ورلڈ کپ فا ئنل کھیل چکی ہے مگر بدقسمتی سے اس ٹیم کو اب تک خطاب جیتنے کا موقع نہیں ملا۔
دوسری طرف مضبوط اور متوازن ٹیم نیوزی لینڈ کو مسلسل دوسری مرتبہ خطابی معرکہ میں کھیلنے کا موقع ملا ہے۔
اس سے قبل کیوی ٹیم 2015 ورلڈ کپ کے فا ئنل کھیل چکی ہے جہاں اسے آسٹریلیا کے ہاتھوں شکست کا سامنا کرنا پڑا تھا۔
دونوں ٹیموں نے اولین خطاب پر قبضہ کرنے کے لیے نظریں مرکوز کر لی ہے۔
نیوزی لینڈ کی ٹیم نے پہلے سیمی فائنل میں بھارتی ٹیم کو دلچسپ اور سنسنی خیز مقابلے کے بعد 18 رنوں سے شکست دے کر فا ینل میں جگہ بنا ئی ۔
میزبان انگلینڈ کی ٹیم آل راؤنڈر کار کرد گی کامظاہرہ کر تے ہوئے آسٹریلیا کو آٹھ وکٹوں سے روند کر فا ئنل کے لیے کوالیفا ئی کیا۔
واضح رہے کہ ورلڈ کپ کرکٹ کی تاریخ میں آسٹریلیا ئی ٹیم سب سے کامیاب ثابت ہوئی ہے ۔
کنگاروؤں نے اب تک پانچ ورلڈ کپ کے خطابات چیت چکی ہیں۔ویسٹ انڈیز اور بھارت کو دو دو مرتبہ عالمی کپ چمپین بننے کے خواب پورے ہوئے ہیں ۔
اس کے علاوہ پاکستان اور سر ی لنکا کی ٹیموں کو ایک ایک مرتبہ ورلڈ کپ کا تاج اپنے سر سجانے کا موقع ملا ہے۔
