انگلینڈ نے تین میچوں کی ٹی ٹوئنٹی سیریز کے پہلے مقابلے میں آسٹریلیا کو دو رن سے شکست دے کر ایک۔صفر کی سبقت حاصل کرلی۔ سیریز کا دوسرا میچ اتوار کو اسی میدان پر کھیلا جائے گا۔ آسٹریلیا کی ٹیم ایک وقت میں ایک وکٹ پر 124 رنز بنا کر جیت کی راہ پر گامزن تھی، لیکن انگلینڈ کے گیندبازوں نے ڈیتھ اوورز میں شاندار واپسی کرتے ہوئے آسٹریلیا کو 160 رنز پر روک دیا۔ انگلینڈ نے 162 رنز بنائے تھے۔
یہ بھی پڑھیں:
آئی پی ایل: مستفیض کو این او سی نہیں ملی
مورگن نے کہا ، "اعداد و شمار کے حساب سے دیکھیں تو آپ کبھی شروعاتی 10 اوورز میں میچ نہیں جیت سکتے۔ آپ صرف آخر میں کھیل کو تبدیل کرسکتے ہیں۔ ہمارے گیندبازوں نے آخری اوورز میں عمدہ کارکردگی کا مظاہرہ کیا۔ عادل راشد نے دو وکٹیں حاصل لیں اور مڈل آرڈر کو تباہ کردیا۔ "
کپتان نے کہا ، "ٹوم کیرن نے نیوزی لینڈ اور جنوبی افریقہ میں کرس جورڈن کے ساتھ عمدہ کارکردگی کا مظاہرہ کیا۔ انہوں نے آخری دو اوورز میں بڑے صبر کے ساتھ گیند بازی کی۔ ہم اپنی ٹیم کے کھلاڑیوں پر ہمیشہ اعتماد کرتے ہیں۔ آخری اوور میں آسٹریلیائی ٹیم کو جیتنے کے لئے 15 رنز درکار تھے لیکن کیرن نے دوسری گیند میں چھکا کھا نے کے باوجود اوور میں 12 رنز دیئے۔
