سابق کرکٹر گوتم گمبھیر نے دہلی حکومت کو اسپتال کے لئے 50 لاکھ روپے اپنی رہنما فنڈ سے دینے کی پیشکش کی ہے۔
گوتم نے ٹویٹ کر کہاکہ بغیر ہتھیار جنگ نہیں جیتی جاتی۔ کورونا کے علاج اور آلات میں کوئی کمی نہ ہو لہذا میں چاہتا ہوں کہ اسپتالوں کو میرے رہنما فنڈ سے 50 لاکھ روپے دیے جائیں۔ گھر کے اندر رہیں، احتیاط اور صفائی رکھیں اور حکومت کا ساتھ دیں۔
تین بار کے جونیئر گولف عالمی چمپئن ارجن بھاٹی نے تمام لوگوں سے بحران کی اس گھڑی میں اپنا اپنا کردار ادا کرنے کی اپیل کرتے ہوئے کہاکہ آپ سب سے ہاتھ جوڑ کر درخواست ہے کہ اس بحران کے وقت میں نے اپنے پیارے ملک کے لئے پرائم منسٹرریلیف فنڈ میں چھوٹا سا اپنا تعاون دیا ہے۔ ملک کے لئے سب کچھ وقف ہے۔ ارجن بھاٹی نے اترپردیش حکومت کو 111،000 روپے کی مدد کی ہے۔
مشکل کی اس گھڑی میں پہلوان بجرنگ پنیا بھی آگے آئے ہیں۔ انہوں نے ٹویٹ کر کہاکہ میں بجرنگ پنیا اپنے چھ ماہ کی تنخواہ ہریانہ کورونا رلیف فنڈ میں تعاون کے لیے وقف کرتا هوں ۔
ان مشکل حالات میں آپ لوگوں سے جو مدد کی جا سکے وہ کرنی چاہئے اور ایک دوسرے کی مدد کریں۔ عرفان اور یوسف نے چار ہزار سے زیادہ ماسک بانٹے ہیں ۔
پہلوان یوگیشور دت نے بھی آگے آ کر لوگوں سے انسانیت کے لئے اہم کردار ادا کرنے کا اعلان کرتے ہوئے کہاکہ دنیا بحران میں ہے۔ انسانیت کے لئے کوئی بھی شراکت ضروری ہے۔
میری آپ سب سے درخواست ہے کہ کچھ نہ کچھ حصہ ضرور دیں ۔ بوند بوند سے سمندر بنتا ہے۔ سوا سو کروڑ لوگ ساتھ آئیں گے تو مسئلہ کا کوئی نہ کوئی حل نکلے گا ۔10 روپے کی شراکت بھی قابل ستائش ہے۔ شرکت کریں۔ يوگیشور نے بھی ایک لاکھ روپے کی مدد کی ہے۔
