بھارتی ٹیم کے ہیڈ کوچ روی شاستری نے منگل کی صبح کووڈ-19 ویکسین کی پہلی خوراک لی۔ انہوں نے یہ معلومات اپنی ایک تصویر سوشل میڈیا پر شیئر کرتے ہوئے دی۔
شاستری کو یہ ویکسین احمدآباد کے اپولو ہسپتال میں لگائی گئی ہے۔ انہوں نے ویکسین لگاتے ہوئے اپنی تصویر شیئر کی اور ڈاکٹروں و سائنس دانوں کا شکریہ بھی ادا کیا۔
روی شاستری نے لکھا 'کووڈ-19 ویکسین کی پہلی خوراک لی۔ اس وبا کے خلاف بھارت کو بااختیار بنانے کے لئے حیرت انگیز طبی پیشہ ور افراد اور سائنسدانوں کا شکریہ۔ احمد آباد میں کانتا بین اور اپولو کی ٹیم سے بہت متاثر ہوا، جس طریقے سے وہ کووڈ-19 کے ویکسینیشن میں پیشہ ورانہ مہارت دکھا رہے ہیں۔'
آپ کو بتادیں کہ کووڈ-19 ویکسینیشن کا دوسرا مرحلہ پیر سے ملک بھر میں شروع ہوا۔ وزیر اعظم نریندر مودی نے بھی کووڈ ویکسین کی پہلی خوراک لی۔ ان کے علاوہ بہت سے دوسرے وزراء نے بھی گزشتہ کل کووڈ-19 ویکسین کی پہلی خوراک لی۔
