باصلاحیت بلے باز ہمت سنگھ (ناٹ آوٹ 70) اور جونٹي سدھو (52) کی شاندار نصف سنچریوں کے باوجود دہلی کوباوجودگجرات کے خلاف رنجی ٹرافی کے ایک میچ میں ڈرا کا سامنا کرنا پڑا۔
رنجی ٹرافی گروپ اے مقابلے کے چوتھے اور آخری دن جمعہ کو دہلی نے اپنی دوسری اننگز آٹھ وکٹ 333 رنز پر ڈکلیئر کرکے میچ جیتنے کی کوشش کی لیکن گجرات نے دو وکٹ پر 128 رنز بنا کر میچ ڈرا کرا لیا۔
میچ ڈرا ہونے سے گجرات کو پہلی اننگز کی برتری کی بنیاد پر تین پوائنٹس ملے جبکہ دہلی کو ایک پوائنٹس سے اکتفا کرنا پڑا۔
دہلی کا سات میچوں میں یہ چوتھا ڈرا ہے اور وہ 18 پوائنٹس کے ساتھ ٹیبل میں 10 ویں نمبر پر ہے۔ دوسری طرف گجرات اس ڈرا کے بعد سات میچوں میں 29 پوائنٹس لے کر ٹیبل میں چوٹی پر ہے۔
ارون جیٹلی اسٹیڈیم میں کھیلے گئے میچ میں دہلی نے اپنی دوسری اننگز کو چار وکٹ پر 228 رن سے آگے بڑھا یا۔
جونٹي سدھو نے 44 اور ہمت سنگھ نے تین رنز سے اننگز کو آگے بڑھایا۔ سدھو 109 گیندوں میں چار چوکوں اور ایک چھکے کی مدد سے 52 رن بنا کر آؤٹ ہوئے۔
پہلی اننگز میں 56 رن بنانے والے ہمت نے مورچہ سنبھالا اور 76 گیندوں پر ناٹ آوٹ 70 رن کی اننگز میں چھ چوکے اور دو چھکے لگائے۔
ہمت نے کنور بدھوڑی کے ساتھ چھٹے وکٹ کے لئے 75 رن کی ساجھےداری کرکے دہلی کو 300 کے پار پہنچا دیا۔
ہمت کو اس سیشن میں پہلی بار کھیلنے کا موقع ملا اور انہوں نے اس موقع کا پورا فائدہ اٹھاتے ہوئے دونوں اننگز میں نصف سنچری بنائی۔ بدھوڑی نے 27 رن کا تعاون دیا۔ گجرات کی جانب سے لیفٹ آرم اسپنر اکشر پٹیل نے 91 رن دے کر چار وکٹ حاصل کئے۔
گجرات کو 292 رنز کا ہدف ملا اور اس نے میچ ڈرا ختم ہونے تک دو وکٹ کے نقصان پر 128 رن بنائے۔
بھارگو میرئي نے ناٹ آؤٹ 42 اور من پریت جنیجا نے ناٹ آؤٹ 51 رن بنائے۔ انہوں نے پہلی اننگز میں 124 رن بنائے تھے اور انہیں پلیئر آف دی میچ کا ایوارڈ ملا۔
