بنگلہ دیش میں کورونا وائرس کے بڑھتے کیسز کی وجہ سے پاکستان کرکٹ بورڈ نے دورہ بنگلہ دیش منسوخ کر دیا ہے۔ کورونا وائرس کی وجہ سے بنگلہ دیش حکومت نے 14 اپریل سے ملک میں ایک ہفتہ کا لاک ڈاؤن کا اعلان کیا ہے۔
پی سی بی کی جانب سے جاری کردہ بیان میں کہا گیا کہ بنگلہ دیش حکومت نے اس مہینے کے شروع میں ملک گیر لاک ڈاؤن کا اعلان کرنے کے بعد 17 اپریل کو ٹیم کی رخصتی کا شیڈول ترتیب دیا گیا تھا۔
پی سی بی نے یہ بھی کہا کہ انڈر 19 کا دورہ بنگلہ دیش، کورونا کی صورتحال بہتر نہ ہونے کی وجہ سے غیر معینہ مدت کے لیے ملتوی کردیا گیا ہے۔
پی سی بی نے اپنے بیان میں مزید کہا کہ 'دونوں کرکٹ بورڈز اب دورے کے لیے نئی ونڈو تلاش کریں گے اور بنگلہ دیش میں کورونا وائرس سے صورتحال بہتر ہونے کے ساتھ ہی اس دورے کی نئی تاریخوں کا اعلان کیا جائے گا۔
واضح رہے کہ اس دورے میں پاکستان کرکٹ ٹیم کو پانچ یوتھ ون ڈے کے ساتھ چار روزہ ٹیسٹ میچ بھی کھیلنا تھا۔
