ممبئی انڈینز اس مرتبہ 5 ویں بار ٹائٹل جیتنے کے ارادے سے میدان میں اترے گی۔ کورونا کی وجہ سے اس بار آئی پی ایل کا انعقاد 19 ستمبر سے 10 نومبر تک متحدہ عرب امارات میں ہوگا۔
ممبئی انڈینز نے آئی پی ایل کے لئے متحدہ عرب امارات پہنچ کر قرنطین کی مدت پوری کرلی ہے۔ ممبئی نے ایک ویڈیو شیئر کرکے ٹیم کی نئی جرسی کا آغاز کیا۔ کیپشن میں لکھا "بلیو اور گولڈ کلر کے ساتھ آلا رے۔ انتظار ختم ہوا۔ ہماری پلٹن ڈریم 11 نئی جرسی میں آئی پی ایل کے لئے تیار ہے۔
روہت شرما کی کپتانی میں ممبئی انڈینز 4 مرتبہ آئی پی ایل کے ٹائٹل پر قبضہ کرنے والی واحد ٹیم ہے۔ ممبئی نے 2013 ، 2015 ، 2017 اور 2019 میں آئی پی ایل ٹائٹل اپنے نام کیا ہے۔ آخری بار ممبئی انڈینز نے فائنل میں چنئی سپر کنگز کو 1 رن سے شکست دی تھی۔ اسی کے ساتھ ہی مہندر سنگھ دھونی کی ٹیم چنئی نے تین بار یہ اعزاز جیتا ہے۔
