بھارتی کرکٹ ٹیم کے وکٹ کیپر بلے باز مہیندر سنگھ دھونی نے افغانستان کے خلاف میچ میں 52 گیندوں میں 28 رنز بنائے تھے جس پر سچن نے کہا تھا دھونی کی بلے بازی میں یکسوئی نہیں ہے۔
اس کمنٹ پر دھونی کے مداحوں نے سچن کو بھی نہیں بخشا اور انہیں کھری کھوٹی سنا ڈالی۔
دھونی کے ایک مداح نے لکھا کہ 'سچن جب کریز پر ہوتے تھے تو 95 رن سے 100 رنز تک پہچنے کے لیے 20 گیندیں کھیلتے تھےچاہے میچ کی صورتحال کیسی بھی ہو۔
دھونی کے ایک دیگر مداح نے سچن کو ہی نہیں بلکہ ان کے فرزند کو بھی آڑے ہاتھوں لیا اور لکھا کہ دھونی کرکٹ کے راجا ہیں جبکہ سچن نے صرف اپنے لئے کرکٹ کھیلی ہے اور اب اپنے بیٹے کو بھارتی ٹیم میں جگہ دلانے کے لیے تگ و دو کر رہے ہیں اور اقربا پروری کر رہے ہیں۔
واضح رہے کہ چند روز قبل سچن نے دھونی کی سست رفتار اننگ پر افسوس کا اظہار کیا تھا۔
