دراصل بالی وڈ کے معروف اداکار رنویر سنگھ ایک پارٹی میں پہنچے جہاں بالی وڈ ہستیوں کے علاوہ متعدد کرکٹ کھلاڑی بھی موجود تھے۔
رنویر سنگھ نے سچن تیندولکر سے ملاقات کی اور تصویر سوشل میڈیا پر شیئر کی اور ساتھ میں لکھا کہ 'گاڈ آف کرکٹ' جبکہ اس کے ساتھ ہیش ٹیگ 83 بھی لکھا۔
یاد رہے کہ رنویر سنگھ سنہ 1983 میں عالمی کپ جیتنے والی بھارتی ٹیم پر مبنی فلم میں کپل دیو کے کردار میں نظر آئیں گے۔
اس پروگرام میں سچن کے علاوہ دنیائے کرکٹ کی دیگر شخصیات موجود تھیں جن میں سر ووین رچرڈس، شین ورن اور وسیم اکرم موجود تھے۔
ان تمام کھلاڑیوں نے ایک بیٹ پر دستخط کی اور اس کرکٹ بیٹ کی نیلامی شروع ہوئی جسے رنویر سنگھ نے 2000 پاؤنڈز یعنی ایک لاکھ 75 ہزار روپے میں خریدا۔
رنویر کے چہرے پر بیٹ خریدنے کی خوشی تو تھی ہی ساتھ ہی ساتھ کرکٹرز سے ملنے کی خوشی بھی ان کے چہرے سے صاف جھلک رہی تھی اور انہوں نے تمام کھلاڑیوں کے ساتھ تصاویر کھنچوائی اور سوشل میڈیا پر شیئر کیں جسے ان کے مداحوں نے خوب پسند کیا۔
اگر فلم 83 کی بات کریں تو اس فلم میں رنویر سنگھ سابق بھارتی کپتان کپل دیو کا کردار ادا کرتے نظر آئیں گے اور ان کا لک گزشتہ دنوں سامنے آیا جس مین وہ ہو بہو کپل کے جیسے نظر آ رہے ہیں، یہ فلم سنہ 2020 میں نمائش کے لیے سنیما گھروں میں پیش کی جائے گی۔
