انگلینڈ کی ٹیسٹ ٹیم میں کھیلنے والے بہت سے کھلاڑیوں کو آسٹریلیا کے خلاف ہونے والے سیریز کے لئے منتخب کیا گیا ہے لیکن تین میچوں کی ٹی ٹونٹی انٹرنیشنل سیریز کے لئے جو روٹ کو شامل نہیں کیا گیا ہے۔
جمعہ سے 'روز باؤل' میں شروع ہونے والی سیریز کے لئے وکٹ کیپر بیٹسمین جوس بٹلر، تیز گیند باز جوفرا آرچر اور مارک ووڈ کو شامل کیا گیا ہے۔
وہیں روٹ اور تیز گیند باز کرس ووکس کو ون ڈے سیریز میں شامل کیا گیا ہے جس میں ورلڈ کپ کے فاتح بٹلر، آرچر اور ووڈ بھی شامل ہیں۔
تیز گیندباز سیم کرن کو بھی دونوں ٹیموں میں شامل کیا گیا ہے۔ وہیں بین اسٹوکس کو کسی بھی ٹیم میں شامل نہیں کیا گیا ہے۔
یہ بھی پڑھیں: مودی اور رججیو نے شطرنج ٹیم کو مبارکباد دی
اوپنر جیسن رائے چوٹ کی وجہ سے تین میچوں کی ٹی ٹونٹی انٹرنیشنل سیریز ٹیم میں شامل نہیں ہیں لیکن وہ 11 ستمبر سے شروع ہونے والی ون ڈے سیریز میں ٹیم میں واپس آسکتے ہیں۔
انگلینڈ کے سلیکٹر ایڈ اسمتھ نے کہا کہ 'ہم آنے والے ٹی ٹونٹی ورلڈ کپ کی تیاری کے لئے ٹیم کو مضبوط کر رہے ہیں۔'
