بھارتی کرکٹ کنٹرول بورڈ ( بی سی سی آئی) نے ہفتے کو اعلان کیا کہ اس بار خواتین ٹورنامنٹ میں ایک ٹیم کا اضافہ ہوگا۔
مقابلے میں تین کی بجائے چار ٹیمیں حصہ لیں گی۔بی سی سی آئی نے ایک بیان میں کہا کہ خواتین کے کھیل کو فروغ دینے کے اپنے عزم کے ایک حصے کے طور پر بی سی سی آئی 2020 خاتون ٹی 20 چیلنج کا اعلان کرنے پر خوش ہے۔
اس نے مزید کہا کہ اس ایڈیشن میں چوتھی ٹیم ٹورنامنٹ میں شامل نظر آئے گی۔2020 سیزن میں کل سات میچ ہوں گے جو آئی پی ایل پلے آف ویک کے دوران کھیلے جائیں گے۔
2018 میں ہرمنپریت کور کی زیرقیادت سپرنوواس اور سمرتی مندھانا کی زیرقیادت ٹریل بلیزرس کے مابین واحد میچ کے طور پر شروع ہوا ، مقابلہ 2019 میں بڑھا اور تجربہ کار متالی راج کی سربراہی میں ایک تیسری ٹیم میدان میں اتری۔
دونوں موقعوں پر سپرنوواس چمپئن رہی ہے اورر آخری گیند پر ہی دونوں مقابلوں کا نتیجہ نکلا ہے ۔آئی پی ایل کے 13 ویں ایڈیشن کا آغاز 29 مارچ سے دفاعی چمپئن ممبئی انڈینز اور چنئی سپر کنگز کے درمیان ممبئی کے وانکھیڑے اسٹیڈیم میں کھیلا جائے گا۔
