کورونا وائرس کے انفیکشن کے بڑھتے ہوئے معاملات کی وجہ سے رواں برس انڈین پریمیئر لیگ (آئی پی ایل) کے 13 ویں ایڈیشن کو غیر معینہ مدت تک ملتوی کر دیا گیا تھا لیکن اب کرکڑ شائقین کے لیے خوشخبری ہے کہ بی سی سی آئی آئی پی ایل کو یو اے ای میں منعقد کروا سکتا ہے۔
بی سی سی آئی کی 17 جولائی کو ہونے والی میٹنگ میں اس بات کا حتمی فیصلہ کیا جائے گا کہ انڈین پریمیئر لیگ کو یو اے ای میں منعقد کیا جائے گا یا نہیں لیکن زیادہ امید اسی بات کی ہے اور قیاس کیا جارہا ہے کہ اس بار آئی پی ایل متحدہ عرب امارات میں ہوسکتا ہے۔
واضح رہے کہ بی سی سی آئی اپنے مرکزی معاہدہ کے تح آنے والے کھلاڑیوں کا نیشنل کیمپ اور آئی پی ایل کا انعقاد متحدہ عرب امارات میں کرنے کا منصوبہ بنا رہی ہے۔
ایک انگریزی اخبار میں شائع ہونے والی خبر کے مطابق، بی سی سی آئی سے وابستہ ذرائع نے بتایا کہ 'امید ہے کہ آئی پی ایل متحدہ عرب امارات میں ہی منعقد ہوگا۔
اس سے قبل محدود اور چنندہ گراؤنڈز پر ہی آئی اپی ایل کے انعقاد کا منصوبہ بنایا گیا تھا جس کے تحت مہاراشٹر کے دارالحکومت ممبئی کے دو کرکٹ گراؤنڈ ارو پونے کرکٹ گراؤنڈز پر میچز کروانے کا مینصوبی بنایا گیا تھا لیکن کورونا وائرس کے سبب مہاراشٹر کی صورتحال انتہائی خراب ہے اسی لیے یہاں کسی بھی قسم کا میچ کروانا مشکل ہے۔
واضح رہے کہ 17 جولائی کو بی سی سی آئی کی اپیکس کونسل کی میٹنگ ہے اس میٹنگ میں گزشتہ کئی ماہ سے بند پڑے کرکٹ سرگرمیوں کے ساتھ ساتھ آئی اپی ایل کے انعقاد پر بھی بحث ہوگی اور امید کی جا رہی ہے کہ آئی کا 13 واں ایڈیشن یو اے ای میں منعقد کرانے کا فیصلہ لیا جائے گا۔
اس سے قبل امارات کرکٹ بورڈ نے بی سی سی آئی کو پیشکش کی تھی کہ وہ چاہے تو انڈین پریمیئر لیگ یو اے ای میں منعقد کروا سکتا ہے۔
بی سی سی آئی کے صدر سورو گنگولی پہلے ہی کہہ چکے ہیں کہ وہ یقینی طور پر بھارت میں ہی آئی پی ایل کروانے کی کوشش کر رہے ہیں لیکن اگر ایسا نہیں ہوتا ہے تو اس لیگ کو بیرون ملک منعقد کرنے کے متبادل موجود ہیں۔
اگر آئی پی ایل دبئی میں ہوتا ہے تو فرنچائزی ٹیمیں ستمبر کے اوائل تک کھلاڑیوں کے لیے وہاں پریکٹس کیمپ کا اہتمام کرسکتی ہیں۔
فی الحال بی سی سی آئی اس لیگ کو ستمبر اور اکتوبر میں منعقد کرنے کا منصوبہ بنا رہی ہے کیونکہ رواں برس آسٹریلیا میں ہونے والا ٹی 20 ورلڈ کپ بھی منسوخ ہوتا نظر آرہا ہے۔ تاہم ، اس بارے میں حتمی فیصلہ آئی سی سی کے اجلاس میں ہی لیا جائے گا۔
