ٹی 20 سیریز میں 0-3 سے جیت درج کرنے کے بعد بھارتی ٹیم نے یک روزہ سیریز میں بھی شاندار آغاز کیا اور پہلے ہی میچ میں جنوبی افریقی ٹیم کو شکست دی۔
جنوبی افریقہ نے ٹاس جیت کر پہلے بلے بازی کا فیصلہ کیا تھا جسے بھارتی گیند بازوں نے غلط قرار دیتے ہوئے پوری ٹیم کو 45.1 اوورز میں 164 رنز پر ڈھیر کر دیا۔
ہدف کا تعاقب کرنے اتری بھارتی ٹیم نے 41.4 اوورز میں 2 وکٹ کے نقصان پر ہی 165 رنز بنا کر میچ جیت لیا۔
بھارت کی جانب سے سلامی بلے باز پریا پونیا اور جمیما روڈریگز نے پہلے وکٹ کے لیے 83 رنز کی پارٹنرشپ نبھا کر جیت کی بنیاد ڈالی۔
جمیما روڈریگز 55 رنز بنا کر آؤٹ ہوئی جبکہ پریا پونیا نے 124 گیندوں میں 8 چوکوں کی مدد سے ناٹ آؤٹ 75 رنز بنائے۔
اس کے علاوہ پونم راؤت نے 16 اور کپتان متالی راج نے ناٹ آؤٹ 11 رنز بنائے۔
اس سے قبل بھارتی گیند بازوں نےبہترین کارکردگی مظاہرہ کیا اور جنوبی افریقی ٹیم کو بڑا اسکور بنانے سے روک دیا تھا۔
بھارت کی جانب سے تجربہ کار تیز گیند باز جھولن گوسوامی نے سب سے زیادہ تین وکٹیں حاصل کیں جبکہ شکھا پانڈے پونم یادو اور ایکتا بشٹ نے دو، دو جبکہ دپتی شرما نے ایک بلے باز کو پویلین کی راہ دکھائی۔
جنوبی افریقہ کی جانب سے مریزین کیپ نے 64 گیندوں میں چھ چوکوں کی مدد سے 54 رنز بنائے جبکہ ، لورا وولواٹ نے 39 رنز، کپتان سیون لوس نے 22 رنز اور مگنون ڈو پريز نے 16 رنز کی اننگ کھیلی۔
