ٹاس ہارنے کے بعد پہلے بلے بازی کرتے ہوئے بھارت کی شروعات اچھی نہیں رہی سلامی بلے باز روہت شرما نے 12 گیندوں پر 12 رنز بنائے اور خراب فارم می چل رہے کے ایل راہل نے 17 گیندوں میں 14 رنز کی اننگ کھیلی۔
تیسرے نمبر پر بیٹنگ کرنے آئے سوریا کمار یادو نے زبردست بیٹنگ کی یادو نے اچھے انداز میں بیٹنگ کرتے ہوئے 31 گیندوں پر 57 رنز کی اہم اننگز کھیلی، اپنی اننگز میں انہوں نے 3 چھکے اور 6 چوکے لگائے، جبکہ ویراٹ کوہلی ایک رن بنا کر آؤٹ ہوئے۔
وکٹ کیپر بیٹسمین رشبھ پنت نے 23 گیندوں پر 30 رنز بنائے، پہلے بیٹنگ کرتے ہوئے بھارت نے مقررہ 20 اوورز میں 8 وکٹوں کے نقصان پر 185 رنز بنائے ہیں۔
انگلینڈ کو یہ سیریز جیتنے کے لیے 186 رنز بنانے ہوں گے، شریش آئیر نے آخری اوور میں شاندار اننگز کھیلی اور 18 گیندوں میں 37 رنز بنائے، انگلینڈ کی طرف سے جوفرا آرچر نے چار وکٹیں حاصل کیں۔
