سابق تیز گیند باز شعیب اختر ان چند کھلاڑیوں میں سے ایک ہیں جو سوشل میڈیا پر مستقل سرخیوں میں رہتے ہیں۔ انہیں ہمیش اپنے مداحوں کے ساتھ روبرو ہوتے بھی دیکھا جاتا ہے اور حال ہی میں وہ ٹویٹر پر ایک مداح کے سوالات کے جواب دیتے ہوئے نظر آئے۔
ایک مداح نے شعیب اختر سے پوچھا کہ اگر آپ کو ٹیسٹ فارمیٹ میں سچن تینڈولکر اور راہل دراوڈ میں سے کسی ایک کھلاڑی کا نام منتخب کرنے کے لیے کہا جائے تو آپ کسے منتخب کریں گے۔
مداح کے اس سوال پر شعیب اختر نے راہل دراوڈ کے نام پر مہر ثبت کردی۔
بتادیں کہ اختر نے دراوڈ کو ٹیسٹ کرکٹ میں 16 اننگز میں چار بار آؤٹ کیا ہے۔ سابق تیز گیند باز اس سے پہلے بھی کئی مرتبہ کہہ چکے ہیں کہ راہل دراوڈ کے سامنے گیند بازی کرنا ان کے لیے آسان نہیں تھا۔
واضح رہے کہ پاکستان کے خلاف کھیلے گئے 15 ٹیسٹ میچوں میں راہل ڈراوڈ نے 53.74 کے شاندار اوسط سے 1236 رنز بنائے ہیں۔ انہوں نے 26 اننگز میں پانچ سنچری اور تین نصف سنچری بنائی ہے۔
