بگ بیش لیگ کی ٹیم ہوبارٹ ہریکنس نے افغانستان کے اسپنر قیس احمد کے معاہدے میں توسیع کا اعلان کردیا۔ فرینچائزی کے فیصلے بعد افغان اسپنر کو اگلے سیزن میں بی بی ایل میں اپنی صلاحیت کا مزید موقع مل گیا ہے۔
قیس احمد کو تامل ملس کی جگہ ہوبارٹ ہرکینس کی ٹیم میں شامل کیا گیا تھا ۔ 18 سالہ افغان اسپنر قیس نے بی بی ایل کے تین میچوں میں سات وکٹ حاصل کیے تھے جس میں سیمی فائنل میں ملبورن اسٹارس کے خلاف تین وکٹ شامل ہے ۔
قیس احمد نے کہاکہ ایک بار پھر ہوبارٹ ہریکنس کی ایک نمائندگی کرنے کے لیے پرُجوش ہوں۔میرے لیے گزشتہ سیزن شاندار رہا ۔اس بار پھر اپنی طرف شاندار کار کرد گی کی پوری کوشش کروں گا۔
ہوبارٹ ہریکنس کے کوچ اڈم گریفتھ نے کہاکہ قیس احمد کو ٹیم میں شامل کرنے کافیصلہ درست ہے ۔ افغان اسپنر نے گزشتہ سیزن میں توقع کے مطابق کار کرد گی کا مظاہرہ کیا تھا۔ اس بنیاد پر انہیں ٹیم میں دوبارہ شامل کیا گیا ہے ۔
بگ بیش لیگ آئندہ 17 دسمبر سے شروع ہو گا اور 27 جنوری 2020 کو ٹورنامنٹ کا فا ئنل کھیلا جائے گا۔
