بھارتی ٹیم کے ہیڈ کوچ روی شاستری آج اپنی 58 ویں سالگرہ منا رہے ہیں۔ شاستری اپنے بنداس انداز کے لئے جانے جاتے ہیں۔
شاستری کی پیدائش 1962 میں ممبئی میں ہوئی تھی۔ انہوں نے بائیں بازو کے اسپن بولر کی حیثیت سے اپنے کیرئر کی شروعات کی تھی لیکن بعد میں شاستری نے خود کو آل راؤنڈر بنا لیا۔
روی شاستری نے صرف 17 سال کی عمر میں ممبئی کے لئے رنجی میں قدم رکھا تھا۔ انہوں نے 21 فروری 1981 کو ویلنگٹن میں قدم رکھا۔
شاستری نے اپنے پہلے میچ میں عمدہ کارکردگی کا مظاہرہ کرتے ہوئے دونوں اننگز میں 3-3 وکٹیں حاصل کیں۔ انہوں نے دوسری اننگز میں 4 گیندوں میں 3 وکٹیں حاصل کیں۔
نمبر 1 سے 10 تک تمام بیٹنگ پوزیشنوں پر روی شاستری نے بیٹنگ کی۔ سنہ 1982 میں روی شاستری کو اپنے کیریئر میں آگے بڑھنے کا ایک بہت بڑا موقع ملا۔ خود کو بطور بلے باز ثابت کرنے کا موقع، انہیں انگلینڈ کے اوول گراؤنڈ میں پہلی بار ٹیسٹ سیریز میں اوپنیگ کی ذمہ داری دی گئی تھی۔ انہوں نے بطور اوپنر 66 رنز بنائے۔
روی شاستری پہلے بھارتی تھے جنہوں نے ایک اوور میں چھ چھکے لگائے حالانکہ انہوں نے ڈومیسٹک کرکٹ میں یہ کارنامہ انجام دیا تھا۔ انہوں نے 1985 میں رنجی ٹرافی میں بمبئی (اب ممبئی) کی طرف سے کھیلتے ہوئے ، بارودہ کے خلاف ایک اوور میں چھ چھکے لگائے تھے۔
بھارت کی طرف سے 80 ٹیسٹ کھیلنے والے شاستری نے 11 سنچریوں کی مدد سے 3830 رنز بنائے جبکہ انہوں نے 151 وکٹیں بھی حاصل کیں۔
وہیں 150 ون ڈے میچوں میں انہوں نے 3108 رنز بنائے ہیں جن میں 4 سنچریاں شامل ہیں جبکہ انہوں نے 129 وکٹیں بھی حاصل کیں۔
