کرکٹ میں گیند پر چمک لانے کے لئے تھوک کا استعمال کرنا دہائیوں پرانی روایت ہے لیکن منہ سے ہونے والے بیماری کورونا وائرس کے بڑھتے ہوئے خطرے کو دیکھتے ہوئے بین الاقوامی کرکٹ کونسل (آئی سی سی) کی تکنیکی کمیٹی نے گیند پر تھوک کے استعمال پر پابندی عائد کرنے کی سفارش کی ہے۔ تکنیکی کمیٹی کے چیئرمین بھارت کے سابق لیگ اسپنر اور کپتان انل کمبلے ہیں۔
آئی پی ایل ٹیم دہلی كیپٹلس کے گیند باز اشون نے اپنی ٹیم کے انسٹاگرام لائیو سیشن میں کہا کہ میرے لئے ایک بالر کے طور پر گیند پر تھوک لگانا ایک قدرتی عمل ہے اور اس سے بچنے کے لئے مجھے مشق کرنی ہوگی تاکہ یہ عادت چھوٹ سکے۔
اشون نے کہا کہ کورونا کے بعد کی دنیا میں بالر ابھی وکٹ لینے کے بعد اس اسٹائل میں ٹیم کے ساتھیوں کے ساتھ جشن نہیں منا پائیں گے جیسے پہلے منایا کرتے تھے۔
انہوں نے کہا کہ 70-80 کی دہائی میں وکٹ گرنے کے بعد فیلڈر اپنی جگہ کھڑے رہ کر تالیاں بجاتے تھے اور وہیں سے بالر کو شاباشی دیتے تھے۔
اشون نے کہا کہ وکٹ گرنے کے بعد بالر کو پاس آکر گلے لگانا اور تمام کھلاڑیوں کا ایک جگہ جمع ہو جانا یہ تو حال کی باتیں ہیں۔ اگرچہ نئے حالات سے آگاہ ہونے میں وقت لگے گا لیکن سب کو حالات کو تسلیم کرنا ہوگا۔
