بھارت اور انگلینڈ کے مابین چار میچوں کی ٹسٹ سیریز کا پہلا میچ جمعہ سے چنئی میں کھیلا جانا ہے اور اس میچ سے صرف ایک روز قبل جیک کراؤلی کے زخمی ہوکر پہلے دو ٹسٹ کے لیے باہر ہونے سے انگلینڈ کو ایک بڑا دھچکا لگا ہے ۔
انگلینڈ اینڈ ویلز کرکٹ بورڈ (ای سی بی) کی جانب سے جاری ایک بیان میں کہا گیا ہے کہ کراؤلی کو اسکین کیا گیا تھا جس میں اس کے زخمی ہونے کی بات سامنے آئی ہے۔
انگلینڈ کو کراؤلی کی انجری کے سبب ایک مرتبہ پھر ٹیم کے توازن پر غور کرنا ہوگا۔ تاہم ذاتی وجوہات کی بنا پر کچھ عرصہ کے لیے ٹیم چھوڑنے والے روری برنس کی ٹیم میں واپسی ہوئی ہے۔
دوسری جانب کندھے کی انجری سے دوچار اولی پوپ بھی فٹ ہوچکے ہیں اور ٹسٹ کے لیے دستیاب ہوں گے۔ اس کے علاوہ کورونا کے خلاف جنگ میں فتح حاصل کرنے والے معین علی بھی بھارت کے خلاف کھیلنے کے لیے فٹ ہوچکے ہیں۔
