بھارت کے سابق کپتان انل کمبلے کی قیادت والی آئی سی سی کی ٹیکنیکل کمیٹی نے کورونا وائرس کے خطرے کو دیکھتے ہوئے گیند بازوں کے گیند پر تھوک کے استعمال پر پابندی عائد کرنے کی سفارش کی ہے۔اگرچہ پسینے کے استعمال کی اجازت دی گئی ہے۔
کمنز نے کہا کہ اگر ہم تھوک استعمال نہیں کریں گے تو ہمیں دوسرے اختیارات کی ضرورت ہے۔ پسینے کا استعمال برا نہیں ہے لیکن ہمیں دیگر اختیارات بھی ڈھونڈنے ہوں گے۔ چاہے وہ موم ہو یا کچھ اور، مجھے نہیں پتہ۔ اگر تھوک کے استعمال سے خطرے ہیں تو ہمیں دوسرے اختیارات سوچنے ہوں گے چاہے وہ پسینہ ہو یا دیگر مادہ۔
انہوں نے کہا کہ پسینے کا استعمال محفوظ ہے لیکن سردی میں کھیلنے میں پریشانی کا سامنا کرنا ہوگا۔ تیز گیند باز نے کہا کہ ہمیں کسی بھی طرح گیند کو چمکانا ہے اور مجھے خوشی ہے کہ کم سے کم پسینے کے استعمال کی اجازت ہے۔ لیکن سردی کے دنوں میں ہم ایسا نہیں کر سکتے۔
کمنز نے کہا کہ عام طور پر ہمارے سلپ کے کھلاڑی گیند پر چمک لاتے ہیں لیکن یہ ہمیشہ نہیں ہو سکتا میں امید کرتا ہوں کہ ہم اس اسٹیج پر ہوں گے جہاں تھوک کا استعمال کرنا محفوظ رہے گا ۔ میں امید کرتا ہوں کہ ہم واپس اس کا استعمال کر پائیں گے۔
