کرکٹ جنوبی افریقہ نے اپنے کھلاڑیوں کی تھکن کی وجہ سے پاکستان کے ساتھ اگلے ماہ ہونے والی ٹی -20 سیریز کے لئے پاکستان کا دورہ نہ کرنے کا فیصلہ کیا ہے۔
ذرائع کے مطابق جنوبی افریقہ اور پاکستان کے درمیان 22 مارچ سے تین میچوں کی ٹی -20 سیریز ہونی تھی۔لیکن کھلاڑیوں کے مصروف پروگرام کی وجہ سے تھکن کے سبب کرکٹ جنوبی افریقہ (سی ایس اے ) نے فی الحال یہ دورہ نہ کرنے کا فیصلہ کیا ہے۔
پاکستان کرکٹ بورڈ (پی سی بی) نے جمعہ کو پریس ریلیز جاری کر کے بتایا کہ سی ایس اے کھلاڑیوں کے مصروف پروگرام کی وجہ سے تھکن کے سبب فی الحال یہ دورہ نہیں کرے گی اور دونوں ممالک کے درمیان مجوزہ سیریز کی نئی تاریخ کا اعلان جلد کیا جائے گا۔
پی سی بی کے چیف ایگزیکٹو وسیم خان نے کہاکہ ہم اگلے ماہ جنوبی افریقہ کی میزبانی کے لئے تیار تھے لیکن ساتھ ہی ہم سی ایس اے کے اپنے کھلاڑیوں کو پاکستان دورے پر نہیں بھیجنے کے فیصلے کا احترام کرتے ہیں۔
کھلاڑیوں پر تھکن کے اثرات کو دیکھ کر پروگرام طے کرنا کسی بھی کرکٹ بورڈ کی پہلی ترجیح ہوتی ہے اور اس وجہ سے ہم ان کے فیصلے کا احترام کرتے ہیں۔
انہوں نے کہاکہ ہمیں خوشی ہے کہ سی ایس اے جلد ہی اس مجوزہ سیریز کے لئے اگلے پروگرام کا اعلان کرے گا۔ دونوں ممالک کے کرکٹ بورڈ اس سیریز کے لئے پرجوش ہیں اور اپنی رضامندی ظاہر کر چکے ہیں۔
دونوں ممالک کے درمیان یہ مجوزہ سیریز کی نئی تاریخوں کا اعلان کھلاڑیوں کے پروگرام کو دیکھتے ہوئے کیا جائے گا۔
