لا لیگا کلب کیلئے یہ پہلا موقع ہے جب عالمی سطح پر اس نے اپنا برانڈ امبیسڈر فٹ بال کے میدان سے باہر لیا ہے۔ روہت بھارت میں اس لیگ کا چہرہ ہوں گے۔
دنیا کے سرکردہ فٹ بال کلب اسپین لا لیگا نے ہندوستانی ٹیم کے اسٹار اوپنر روہت کے ساتھ ہاتھ ملایا ہے۔ وہ کلب کی تاریخ میں پہلے غیر فٹبالر ہیں جنہیں برانڈ امبیسڈر منتخب کیا گیا ہے۔ سال 2017 سے ہی بھارت میں لا لیگا نے کھیل کے فروغ کے لیے کئی اقدامات اٹھائے ہیں۔
وہیں روہت بھارتی کرکٹ ٹیم کے اسٹار بلے باز ہیں۔ وہ آئی سی سی عالمی درجہ بندی میں دوسرے نمبر کے بلے باز ہیں جن کے نام ون ڈے انٹرنیشنل کرکٹ میں تین ڈبل سنچریوں کی کامیابی درج ہے۔
روہت نے لا لیگا جیسے باوقار ہسپانوی کلب سے جڑنے پر خوشی ظاہر کرتے ہوئے کہاکہ بھارت میں فٹ بال کو لے کر لوگوں کے جذبہ بہت بڑھا ہے اور یہ دیکھنا دلچسپ ہے کہ یہ کھیل اب دوسرے درجے پر نہیں ہے۔ گزشتہ پانچ برسوں میں ہم نے دیکھا ہے کہ فٹ بال میں بھارت نے کافی اچھی کارکردگی کی ہے اور اس کے شائقین کی بھی یہاں کمی نہیں ہے۔
انہوں نے کہاکہ میں لا لیگا سے جڑ کر بہت خوش ہوں۔ یہ دیکھنا خوشگوار ہے کہ ہسپانوی کلب نے بھارتی فٹ بال میں دلچسپی دکھائی ہے اور زمین کی سطح پر کئی پروگرام شروع کئے ہیں۔ میں بھارت میں فٹ بال کو مقبول بنانے کیلئے اپنی طرف سے ہر ممکن کوشش کروں گا۔
