کورونا وائرس کی وجہ سے ملک بھر میں کرکٹ سرگرمیاں معطل ہونے کے درمیان کرناٹک اسٹیٹ کرکٹ ایسوسی ایشن (کے ایس سی اے) جولائی سے کرکٹ سیزن شروع کرنے پر غور کررہی ہے ۔
کے ایس سی اے نے اس ہفتے کے شروع میں ٹورنامنٹ کمیٹی سے بات کی تھی تاکہ کرکٹ شروع کرنے کے لئے ایک ممکنہ منصوبہ تیار کیا جاسکے۔ بدھ کے روز ایسوسی ایشن کے صدر راجر بنی نے ریاستی ٹیم کے کوچ اور کے ایس سی اے کے اکیڈمی عملے سے اس معاملے پر تبادلہ خیال کیا تھا۔
ایسوسی ایشن کرکٹ شروع کرنے کے مقصد کے لئے مختلف شراکت داروں کے رہنما خطوط کے تحت معیاری آپریٹنگ طریقہ کار تیار کررہی ہے۔ ادھر ریاستی کھلاڑی اگلے ہفتے سے کیمپ شروع کرسکتے ہیں۔
کے ایس سی اے کے سکریٹری سنتوش مینن نے کہا کہ کھیلوں کے بغیر زندگی کا تصور کرنا مشکل ہے۔ اگر سب کچھ ٹھیک رہتا ہے تو ہم امید کرتے ہیں کہ جولائی کے اوائل میں کرکٹ کا آغاز ہوسکتا ہے۔ کھلاڑیوں کی رجسٹریشن اس ہفتے سے شروع ہوں گے۔
