وراٹ کوہلی ٹیم کی کارکردگی سے خوش

وراٹ کوہلی نے ویسٹ انڈیز کے خلاف ون ڈے سیریز جیتنے کے بعد اپنی ٹیم کی کارکردگی پر اطمینان کا اظہار کرتے ہوئے کہا ہے کہ وہ اسی طرح آئی سی سی ٹرافی حاصل کرتے رہیں گے۔

بھارت نے ویسٹ انڈیز کے خلاف تیسرے فیصلہ کن ون ڈے میں 316 رن کے بڑے ہدف کا تعاقب کرتے ہوئے آٹھ گیندیں باقی رہتے ہوئے چار وکٹ سے جیت اپنے نام کر لی تھی۔

اس میچ میں تینوں ٹاپ آرڈر کے بلے بازوں روہت شرما (63)، لوکیش راہل (77) اور وراٹ (85) نے نصف سنچری اننگز کھیلی لیکن آخری وقت میں رویندر جڈیجہ نے ناٹ آؤٹ 39 رنز کی اننگز کھیل کر جیت کو یقینی بنایا۔

وراٹ کوہلی ٹیم کی کارکردگی سے خوش

بھارتی کرکٹ ٹیم کے کپتان وراٹ کوہلی نے میچ کے بعد کہا، "ہم نے پہلے بھی کئی بار ایسے میچ کھیلے ہیں، اس لئے اب ہم اس طرح کے حالات میں پرسکون رہتے ہیں۔ اس طرح کی پچ میں چھوٹی شراکت داری کی ضرورت ہوتی ہے اور اس سے حریف پر دباؤ بنتا ہے۔ یہ بھی دیکھنا دلچسپ ہوتا ہے جب آپ کی ٹیم کے دیگر کھلاڑی کھیل کو آپ کے لیے ختم کرتے ہیں۔ "

وراٹ نے کہا، "سچ کہوں کہ میں جب آؤٹ ہوا تو کافی فکر مند ہو گیا تھا، لیکن جڈیجہ نے اپنی شاندار اننگز سے تین اووروں میں ہی کھیل کو ختم کر دیا۔ میدان کے باہر سے میچ دیکھنا اور بھی مشکل ہوتا ہے۔

وراٹ کوہلی ٹیم کی کارکردگی سے خوش

‘‘۔وراٹ نے سال کی آخر ی سیریز جیت کے ساتھ اپنے نام کرنے پر خوشی ظاہرکرتے ہوئے کہا، "ہمارے لیے عالمی کپ کے وہ 30 منٹ چھوڑ کر 2019 ایک بہترین سال رہا ہے۔ یہ بہت کامیاب سال رہا ہے اور ہم آگے بھی آئی سی سی ٹرافیوں کو اسی طرح حاصل کرتے رہیں گے۔ "ٹیم کی کارکردگی پر اطمینان کا اظہار کرتے ہوئے کپتان نے کہا، "ہم نے جس طرح سےکھیلا وہ کافی تسلی بخش رہا ہے۔ ہمارے پاس کھیل کے لحاظ سے وہ ہر تجربہ موجود ہے جو غیر ملکی زمین پر بھی ہمیں سیریز میں جیت دلا سکے۔ہم نئے کھلاڑیوں کے ساتھ بھی کھیل رہے ہیں اور دیکھ رہے ہیں کہ وہ دباؤ میں کیسی کارکردگی کرتے ہیں۔چاہے کوئی مانے یا نہ مانیں نوجوانوں کو آنے والے کچھ برسوں میں ذمہ داریاں نبھانی ہوں گی۔"