انٹرنیشل کرکٹ کونسل کی جانب سے گیند وں پر تھوک کے استعمال کرنے پر پابندی عائد کرنے کے ساتھ ساتھ نئے قواعد کا اعلان کیا ہے۔
آ ئی سی سی کے نئے قواعد کے مطابق اگر بالروں کو گیند چمکانے یا سوئنگ کے لئے گیندوں پر تھوک استعمال کرتے ہوئے پائے جانے پر ان کی ٹیم پر پانچ رنوں کا جرمانہ عائد کیا جائے گا۔۔
حال ہی میں کرکٹ کمیٹی نے مختلف اقدامات کی سفارش کردی تھی، کونسل نے واضح کیا ہے کہ پلیئنگ کنڈیشنز میں عارضی تبدیلیوں کا اطلاق ون ڈے اور ٹوئنٹی کرکٹ میں نہیں ہوگا۔
گیند کو تھوک سے چمکانے پر پابندی کے حوالے سے آئی سی سی نے واضح کیا کہ شروع میں اگر کسی کھلاڑیوں نے ایسا کیا تو امپائرز نرمی سے معاملے کو سلجھائیں گے،
اس کے بعد میں اگر ایسا ہوتا رہا تو پھر ٹیم کو وارننگ دی جائے گی۔ اگرکوئی ٹیم ایک اننگز میں 2 وارننگز پر بھی باز نہیں آتی تو پھر5 رنز کی پنالٹی عائد ہوگی
جبکہ امپائرز کھیل دوبارہ شروع کرنے سے قبل گیند کو صاف کرنے کی ہدایت بھی کریں گے۔
کورونا وائرس کی وجہ سے ہی نیوٹرل امپائرز کی پابندی وقتی طور پر ختم کردی گئی،جس کی وجہ سے مقامی آفیشلز کا تقرر کیا جا سکے گا۔
آئی سی سی نے مقامی امپائرز کے کم تجربے کے پیش نظر ٹیموں کو ہر اننگز میں ایک اضافی ریویو بھی دینے کا فیصلہ کیا ہے۔
کورونا کی علامات ظاہر ہونے پر متبادل کھلاڑیوں کو لینے کی اجازت ہوگی۔
