آسٹریليا اور نیوزی لینڈ کے درمیان تین میچوں کی ون ڈے سیریز کا پہلا مقابلہ جمعہ کے روز سڈنی میں کھیلا گیا لیکن ہفتہ کو نیوزی لینڈ کی حکومت کے ذریعہ آسٹریلیا سے آنے والے لوگوں کو 14 دنوں کے لئے الگ تھلگ رکھنے کے فیصلے کے بعد اس سیریز کے باقی دو میچوں کو منسوخ کرنے کا فیصلہ کیا گیا۔
نیوزی لینڈ کی حکومت کے ذریعہ سفر پرپابندیوں کے بعد نیوزی لینڈ کی ٹیم کو واپس لوٹنا ہوگا۔ ٹیم مینجمنٹ کھلاڑیوں کو واپس بھیجنے کا انتظام کر رہی ہے۔ اس سے پہلے دونوں ممالک کے درمیان پہلا ایک روزہ میچ ناظرین کے بغیر کھیلا گیا تھا۔
اس دوران نیوزی لینڈ کے کھلاڑی لوکی فرگوسن کو گلے میں دقت کے بعد احتیاطا ٹیم سے دور رکھا گیا ہے اور ان کا کورونا وائرس کا ٹیسٹ بھی کرایا گیا ہے۔ اگرچہ ان کی رپورٹ ابھی تک نہیں آئی ہے۔
نیوزی لینڈ کرکٹ نے کہا کہ انہیں امید ہے کہ آسٹریلیا کے ساتھ سیریز کے باقی میچوں کو بعد میں کرایا جائے گا۔ انہوں نے بیان جاری کرکے کہاکہ نیوزی لینڈ کرکٹ حکومت کی تشویش سمجھتی ہے اور ان کے فیصلے کا احترام کرتی ہے۔ یہ وقت خطرہ نہ لے کر احتیاط برتنے کا ہے اور ہمارے لئے کھلاڑیوں کی صحت زیادہ معنی رکھتی ہے۔
واضح رہے کہ دنیا کے 105سے زیادہ ممالک میں پھیل چکے کورونا وا ئرس کی وجہ سے اب تک بڑے چھوٹے ٹورنامنٹ منسوخ یا پھر ملتوی کردیئے گئے ہیں۔
نیشنل باسکٹ بال ایسوسی ایشن (این بی اے) کے کلب تاج جیج کے ایک کھلاڑی کے پوری دنیا میں پھیل چکے جان لیوا کورونا وائرس سے متاثر ہونے کی تصدیق کے بعد این بی اے نے اس برس ہونے والے سیشن کو ملتوی کرنے کا فیصلہ کیا ہے۔
بھارتی کھیل پر بھی کوروناوائرس کا گہرااثرپڑرہا ہے۔متعدد بین الاقوامی اور قومی کھیل مقابلوں کو ملتوی کردیا گیا ہے۔
اس کے علاوہ جنوبی افریقہ اور بھارت کے درمیان ون ڈے سریز ، رنجی ٹرافی فائنل،آئی لیگ اور آئی ایس ایل کو بند اسٹیڈیم میں کرانے کا فیصلہ کیاگیا ہے۔
