بھارتی کرکٹ ٹیم کے آل راؤنڈرعرفان پٹھان نے ریٹائرمنٹ کا اعلان کرتے ہوئے کہاکہ مجھے خوشی ہے کہ انٹرنیشنل کرکٹ کے سچن تندولکر،سوروگنگولی،راہل ڈراویڈ اور وی وی ایس لکشمن جیسے عظیم کرکٹروں کے ساتھ کھیلنے اور ڈریسنگ روم شئیر کرنے کا موقع ملا ۔ یہ میری زندگی کے اہم لمحات میں سے ایک ہے ۔
انہوں نے کہاکہ میں اپنی فیملی اور اپنے ساتھیوں کا شکرگزار ہوں جنہوں نے کیرئیر کے دوران میری حمایت کی ۔اس کے علاوہ میں اپنے پرستاروں کو بھی شکریہ ادا کرنا چاہتاہوں جنہوں نے برے وقت میں میرے ساتھ کھڑے تھے ۔
35 سالہ آل راؤنڈر عرفان پٹھان سوئنگ کے ماہرگیند باز کے طور پر ابھرے جن کا کیل دیوسے موازنہ کیا جارہا تھا۔
عرفان پٹھان ٹی۔20 ورلڈ کپ کے اولین ایڈیشن میں بھارتی کی خطابی جیت میں اہم رول اداکیا تھا۔ ٹی۔20 میں ورلڈ کپ کے فائنل میں انہوں نے 16 رن دے کر تین وکٹ لیے تھے۔
عرفان پٹھان بھارتی کرکٹ کے تیسرے بالر ہیں جنہوں نے ٹسٹ کرکٹ میں ہیٹ ٹرک کرنے کا کارنامہ انجام دیا ہے۔2006 میں انہوں نے سلمان بٹ،یونس خان اور محمد یوسف کو آؤٹ کرکے ہیٹ ٹرک کا شاندار کارنامہ انجام دیاتھا۔
عرفان پٹھان نے 29 ٹسٹ میچوں میں بھارتی کرکٹ ٹیم کی نمائندگی کی ۔انہوں نے قومی ٹیم کی جانب سے 124 ون ڈے انٹرنیشنل میچ کھیلے جبکہ کرکٹ کے مختصر فارمیٹ میں 24 میچوں میں انہیں کھیلنے کا موقع ملا۔
عرفان پٹھان نے کرکٹ کے تمام فارمیٹ میں کل 301 وکٹ حاصل کیے ۔ اس کے علاوہ ایک سنچری اور 11 نصف سنچریوں کی مدد سے 2821 رن بنا ئے ۔
2003 میں ایڈیلیڈ میں کھیلے گیے آسٹریلیا کے خلاف کھیلے گیے ٹسٹ میچ میں اپنے ٹسٹ کیرئیر کا آغاز کیاتھا۔2012 میں سری لنکا کے خلاف انہوں نے اپنا آخری ٹسٹ میچ کھیلا تھا۔
