ذرائع کا کہنا ہے کہ زمبابوے کرکٹ ٹیم کی پاکستان آمد 20 اکتوبرکو متوقع ہے، جس سے قبل پی سی بی نے زمبابوے کرکٹ کو کورونا ایس اوپیزکی ابتدائی تفصیلات بھجوا دی ہیں جن میں کھلاڑیوں، اسپورٹ اسٹاف اورمتعلقہ لوگوں کی صحت کی حفاظت کو اولین ترجیح دی گئی ہے۔
ذرائع کا کہنا ہے کہ دونوں ٹیموں کو یکساں ایس او پیز پر عمل درآمد کو یقینی بنانا ہوگا، جب کہ بائیو سیکیورببل انٹرنیشنل ایس او پیز کو سامنے رکھ کر تیار کیا جائے گا۔
ذرائع کا مزید کہنا ہے کہ زمبابوے کرکٹ ٹیم کوپاکستان پہنچنے کے بعد کم از کم 5 روز کا قرنطینہ مکمل کرنا ہوگا اور پاکستان آمدسےقبل زمبابوے اسکواڈ میں شامل افراد کا ایک کورونا ٹیسٹ منفی آنا لازمی ہے۔
مزید پڑھیں:
آئی پی ایل: چنئی سُپر کنگز کو 217 رنز کا ہدف
پی سی بی کی جانب سے بھیجی گئی تفصیلات میں مزید کہا گیا ہے کہ پاکستان آمد پربھی زمبابوے کے کھلاڑیوں کا کورونا ٹیسٹ ہوگا۔
