لکھنو کے بھارت رتن شری اٹل بہاری واچپائی اسٹیڈیم میں کھیلے جارہے واحد ٹسٹ میچ کے دوسرے دن ویسٹ انڈیز کو277 رنوں پر آل آؤٹ کرنے کے بعد افغانستان نے اپنی دوسری اننگز میں محتاط انداز میں شروعات کی۔
آخری اطلاع موصول ہونے تک افغانستان کی جانب سے ابراہیم زدران آٹھ رن اور جا وید احمدی انیس رن بناکر کھیل رہے ہیں۔ افغانستان اب بھی 63 رنوں کے خسارے میں ہے۔
اس سے قبل ویسٹ انڈیز نے اپنے کل کے اسکور دووکٹوں کے نقصان پر 68 رنوں سے آ گے کھیلتے ہوئے 277 رنوں پر سمٹ گئی۔
جان کیمبیل اور بروکس نے تئسرے وکٹ کےلیے 82رنوں کی شراکت داری کی۔ جان کیمیبل 55 رنوں کی اننگز کھیل کر عامر حمزہ کے شکار ہوئے۔ عامر حمزہ نے بروکس کو 111 رنوں کے انفرادی اسکور پر آؤٹ کرکے ویسٹ انڈیز کو بڑادھچکا دیا۔ڈرویچ 42 رن بناکر مفید اننگز اننگزکھیلی۔
اس کے بعد ویسٹ انڈیز کی ٹیم افغان بالروں کا مقابلہ نہ کرسکی اور 83.3 اوورز میں 277 رن بناکر سمٹ گئی۔
افغانستان کی جانب سے عامر حمزہ نے شاندار بالنگ کامظاہرہ کرتے ہوئے 74 رن دے کر پا نچ کھلاڑیوں کو آ ؤٹ کیا۔ اس کے علاوہ رشید خان نے تین جبکہ ظہیرخان نے دو وکٹ حاصل کیے ۔
اس سے قبل واحد ٹسٹ کے پہلے دن افغانستان کی پوری ٹیم 187 رن بناکر آل آؤٹ ہوگئی تھی۔
