شاہد آفریدی نے 20 ہزار ڈالر میں مشفق الرحیم کا بیٹ نیلامی میں خریدا ہے جس کی رقم بنگلہ دیش میں کورونا وائرس کے ریلیف کے کاموں میں صرف کی جائے گی۔
مشفق نے یہ بیٹ 2013 میں گالے ٹیسٹ میں سری لنکا کے خلاف استعمال کیا تھا جس سے انہوں نے 200 رنز بنائے تھے۔
یہ نیلامی اس وقت مشکلات میں گھر گئی تھی جب اس میں بولی لگانے کے لیے کچھ فرضی بولی لگانے والے شامل ہو گئے تھے، مشفق کے مطابق آفریدی نے نیلامی کی خبر سن کر 13 مئی کو اس کے لیے بولی لگائی۔
مشفق نے کہا کہ آفریدی نے اپنے ادارے کی جانب سے میرا بیٹ خریدا ہے، مجھے اس بات سے کافی خوشی ہوئی ہے اور میں بہت فخر محسوس کر رہا ہوں۔
آفریدی نے مجھے 13 مئی کو خط بھیج کر بیٹ خریدنے کی خواہش ظاہر کی تھی اور انہوں نے اسے 20 ہزار ڈالر ’قریب 16.8 لاکھ ٹکا‘ میں خریدا، میں اس کام کے لیے اپنے کے دوست تمیم اقبال کا بھی شکریہ ادا کرنا چاہتا ہوں جنہوں نے اس میں میری مدد کی۔
