معین علی کی 93 رنز کی شاندار اننگز کے باوجود چنئی سپر کنگز اس میچ میں راجستھان رائلز کے خلاف 20 اوور میں چھ وکٹ پر 150 رنز ہی بنا سکی۔ چنئی نے ٹاس جیت کر پہلے بلے بازی کا فیصلہ کیا۔ پاور پلے میں طوفانی بلے بازی کرتے ہوئے چنئی نے چھ اووروں میں 75 رنز بنائے لیکن اس کے بعد چنئی کی رفتار رک گئی اور ٹیم اگلے 14 اووروں میں صرف 75 رنز ہی بنا سکی۔ معین نے پاور پلے میں زبردست رفتار سے بیٹنگ کی اور اس دوران انہوں نے ٹرینٹ بولٹ کے ایک اوور میں ایک چھکا اور پانچ چوکے لگائے۔Chennai Super Kings sets target of 151 runs for Rajasthan Royals
اس اوور میں 26 رنز ہوئے۔ معین نے سیزن کی دوسری تیز ترین نصف سنچری 19 گیندوں میں اسکور کی لیکن اس کے بعد وہ بھی سست ہوگئے۔ معین نے 57 گیندوں پر 93 رنز میں 13 چوکے اور تین چھکے لگائے۔ کپتان مہندر سنگھ دھونی کو وکٹ کیپر سنجو سیمسن سے دو زندگی ملیں لیکن وہ اس کا زیادہ فائدہ نہ اٹھا سکے اور 28 گیندوں میں ایک چوکے اور ایک چھکے کی مدد سے 26 رنز ہی بنا سکے۔ ڈیون کونوے نے 16 رنز بنائے۔
پاور پلے کے بعد راجستھان کی ٹیم نے زبردست واپسی کی۔ ان کے کفایتی گیند بازوں نے پہلے کھیل کو سلو کیا اور پھر بہت کفایتی بولنگ کی۔ تاہم، ایک بار ایسا محسوس ہوا جیسے پچ تھوڑی سست ہو گئی ہے۔ یوزویندر چہل نے 26 رنز کے عوض دو اور اوبید مکاؤ نے 20 رنز کے عوض دو وکٹیں حاصل کیں۔
یو این آئی
