بھارت اور انگلینڈ کے درمیان جمعرات سے 3 میچوں کی ٹی۔20 سیریز کھیلی جائے گی۔ ٹیم انڈیا اس کے لیے سخت محنت کر رہی ہے۔ اس سیریز کے ختم ہونے کے بعد بھارتی ٹیم کو انگلینڈ کے خلاف یک روزہ سیریز بھی کھیلے گی۔ جس کے بعد ٹیم کو ویسٹ انڈیز کے خلاف بھی سیریز کھیلنی ہے اور اس دوران کچھ سینیئر کھلاڑیوں کو آرام دیا جا سکتا ہے۔ یہ فیصلہ ہونا باقی ہے کہ کن کھلاڑیوں کو آرام دیا جائے گا۔ بھارت کو 22 جولائی سے 7 اگست کے درمیان ویسٹ انڈیز کے خلاف تین ون ڈے اور پانچ ٹی ٹوئنٹی میچز کھیلنے ہیں۔
سلیکشن کمیٹی کے چیئرمین چیتن شرما، جو انگلینڈ میں ٹیم کے ساتھ سفر کر رہے ہیں کو توقع ہے کہ وہ ایجبسٹن ٹیسٹ کے آخری دن کے بعد روہت شرما، وراٹ کوہلی، جسپریت بمراہ اور رشبھ پنت جیسے کھلاڑیوں سے بات چیت کریں گے۔
کوچ راہل دراوڈ نے اپنے مختصر دور میں کئی کپتانوں کے ساتھ کام کیا ہے۔ ایسے میں سلیکٹرز کپتان روہت کو ایک اور دورے کے لیے آرام دینا پسند نہیں کریں گے۔
دریں اثنا، کپتان روہت کے علاوہ، ہندوستانی سفید گیند کی باقی ٹیم ساؤتھمپٹن پہنچ گئی ہے، جہاں ہندوستان جمعرات (7 جولائی) کو انگلینڈ کے خلاف پہلا T20 کھیلے گا۔ روہت اس وقت ٹیسٹ ٹیم کے ساتھ برمنگھم میں ہیں۔
