کیپ ٹاؤن:جنوبی افریقی کرکٹرنورتجے کمر کے نچلے حصے میں انجری کی وجہ سے آسٹریلیا کے خلاف جاری ایک روزہ سیریز سے باہر ہو گئے ہیں جبکہ کپتان ٹیمبا باؤما بھی انجری کی وجہ سے جمعہ کو سنچورین میں کھیلے جانے والے چوتھے ون ڈے میں نہیں کھیلیں گے۔
کپتان باوما کے پٹھوں میں کھینچاؤ ہے۔ جنوبی افریقہ کو سیریز میں برقرار رہنے کے لیے چوتھا ون ڈے ہر قیمت پر جیتنا ہوگا۔ جنوبی افریقہ کے ان کھلاڑیوں کی انجریز نے اس کی مشکلات میں اضافہ کر دیا ہے۔ جنوبی افریقی ٹیم ورلڈ کپ سے قبل اپنے دو کھلاڑیوں کو لے کر کوئی خطرہ مول لینا نہیں چاہے گی۔
ایڈن مارکرم اب چوتھے ون ڈے میں جنوبی افریقہ کی قیادت کریں گے۔ وہ اس سیریز میں شاندار فارم میں ہیں۔ جنوبی افریقہ پہلے ہی ٹی ٹوئنٹی سیریز 3-0 سے ہار چکا ہے۔ آسٹریلیا کو پانچ ایک روزہ میچوں کی سیریز میں 2-1 کی برتری حاصل ہے۔ اگر جنوبی افریقہ کو سیریز میں برقرار رہنا ہے تو یہ میچ ہر قیمت پر جیتنا ہوگا۔ جب کہ آسٹریلوی ٹیم یہ میچ جیت کر سیریز جیتنا چاہے گی۔ مچل مارش کی قیادت میں ٹیم نے اب تک شاندار کارکردگی کا مظاہرہ کیا ہے۔
