ڈھاکہ:بی سی بی نے لٹن کی جگہ وکٹ کیپر بلے باز انعام الحق کو ٹیم میں شامل کیا ہے۔ انعام الحق نے بنگلہ دیش کے لیے آخری ون ڈے دسمبر 2022 میں ہندوستان کے خلاف کھیلاتھا۔ وہ اب تک 50 ون ڈے میچوں میں اپنے ملک کی نمائندگی کر چکے ہیں جن میں انہوں نے 30.58 کی اوسط سے 1254 رن بنائے ہیں۔
بنگلہ دیش کے سلیکشن پینل کے چیئرمین منہاج العابدین نے کہا، ”وہ (انعامل) گھریلو کرکٹ میں اچھی کارکردگی کا مظاہرہ کر رہے ہیں اور ہم نے بنگلہ دیش ٹائیگرز پروگرام میں ان پر مسلسل نظر رکھی ہے۔ وہ ہمیشہ ہمارے خیال میں رہتے تھے۔“
انہوں نے کہا،”لٹن کی غیر موجودگی کی وجہ سے ہمیں ایک ٹاپ آرڈر بلے باز کی ضرورت تھی جو وکٹ کیپنگ کر سکے اورانعامل کو منظوری مل گئی۔“
لٹن کی عدم موجودگی بنگلہ دیش کے لئے بڑا دھچکہ ثابت ہو سکتا ہے۔وہ 2022 کے آغاز سے 25 اننگز میں 41.80 کی اوسط سے 878 رنز کے ساتھ ون ڈے کرکٹ میں بنگلہ دیش کے سب سے کامیاب بلے باز رہے ہیں۔ انہوں نے اس دوران سات اور ایک نصف سنچریاں بنائی ہے،جس میں ان کا سب سے زیادہ اسکور گزشتہ سال فروری میں افغانستان کے خلاف 136 رنز تھا۔
بنگلہ دیشی ٹیم اپنا ایشیا کپ مہم شروع کرنے کے لئے 27 اگست کو سری لنکاآگئی۔ گروپ بی میں بنگلہ دیش کا پہلا مقابلہ 31 اگست کو سری لنکا سے ہوگا۔
یہ بھی پڑھیں:Pakistam VS Nepal پاکستان کا نیپال کے خلاف پہلے بیٹنگ کرنے کا فیصلہ
ایشیا کپ کے لیے بنگلہ دیشی اسکواڈ: شکیب الحسن (کپتان)، نظم الحسن شانتو، توحید ہردوئے، مشفق الرحیم، عفیف حسین دھروبو، مہدی حسن معراج، تسکین احمد، حسن محمود، مستفیض الرحمان، شریف الاسلام، نسیم احمد، شک حسن مہدی، حسن محمود نعیم شیخ، شمیم حسین، تنزید حسن تمیم، تنظیم حسن ثاقب، انعام الحق بیجائے۔
یواین آئی
