احمد آباد: بھارت کے اسٹار اسپنر روی چندرن اشون نے احمد آباد ٹیسٹ میں آسٹریلیا کے خلاف چھ وکٹ لے کر بھارت کے سابق عظیم اسپنر انل کمبلے کو پیچھے چھوڑ دیا۔ اشون اب آسٹریلیا کے خلاف ٹیسٹ کرکٹ میں سب سے زیادہ وکٹیں لینے والے گیندباز بن گئے ہیں۔ دونوں ٹیموں کے درمیان ٹیسٹ سیریز میں سب سے زیادہ وکٹیں لینے کے معاملے میں اشون کمبلے سے بھی آگے نکل گئے ہیں۔ اب وہ ان دونوں ممالک کے درمیان ٹیسٹ سیریز میں سب سے زیادہ وکٹیں لینے والے بولر بن گئے ہیں۔ کمبلے نے 20 میچوں کی 38 اننگز میں 111 وکٹیں حاصل کیں جبکہ اشون نے 113 وکٹیں حاصل کیں۔
- یہ بھی پڑھیں: IND vs AUS 4th Test عثمان خواجہ کی بدولت آسٹریلیا کی پہلی اننگز 480 رنز پر ختم، بھارت کا محتاط آغاز
اشون نے 36 سالہ آسٹریلوی اسپنر ٹوڈ مرفی کو ایل بی ڈبلیو آؤٹ کرنے کے بعد کمبلے کے 111 وکٹوں کو پیچھے چھوڑ دیا۔ اشون کے پاس اب آسٹریلیا کے خلاف 28.1 کی اوسط سے 113 وکٹیں ہیں، جس میں ان کے نام سات مرتبہ پانچ وکٹیں ہیں۔ اشون نے تاہم، اپنے ٹیسٹ کیریئر میں 32 ویں بار ایک اننگز میں پانچ وکٹ لیے۔ وہ ایک اننگز میں سب سے زیادہ مرتبہ پانچ وکٹیں لینے کے معاملے میں دوسرے نمبر پر ہیں۔ اس معاملے میں انل کمبلے ان سے آگے ہیں جنہوں نے یہ کرشمہ 35 مرتبہ انجام دیا ہے۔ اشون نے بھارتی سرزمین پر 26ویں بار ایک اننگز میں پانچ وکٹ لئے۔ اس کے ساتھ وہ بھارت میں سب سے زیادہ بار ایک اننگز میں پانچ وکٹیں لینے والے کھلاڑی بن گئے۔ اس معاملے میں بھی انہوں نے کمبلے کو پیچھے چھوڑ دیا جنہوں نے بھارتی سرزمین پر 25 بار ایک اننگز میں پانچ وکٹیں حاصل کیں۔
یو این آئی
