یکم ستمبر سے سری لنکا کے ہمبنتوتا میں واقع مہندا راجا پکسے اسٹیڈیم میں کھیلی جانے والی افغانستان اور پاکستان کے مابین سیریز کا ابتدائی طور پر یو اے ای میں کھیلنے کا منصوبہ تھا لیکن اس خطے میں مقامات کی عدم دستیابی کی وجہ سے میزبان ٹیم کو اپنے منصوبوں کو تبدیل کرنا پڑا۔
سمجھا جاتا ہے کہ پاکستان کے خلاف سیریز کی میزبانی کے لیے اے سی بی نے متحدہ عرب امارات اور عمان سے رجوع کیا تھا لیکن دونوں ممالک آئندہ مصروف پروگرام کی وجہ سے انہیں ایڈجسٹ کرنے میں ناکام رہے۔
در حقیقت آئی پی ایل 2021 کے بقیہ میچز ستمبر میں متحدہ عرب امارات میں ہونے ہیں اور آئی پی ایل کے مکمل ہونے کے بعد یو اے ای کو عُمان کے ساتھ آئی سی سی ٹی 20 ورلڈ کپ کی میزبانی بھی کرنی ہے۔
واضح رہے کہ پاکستان اس وقت 9 میچوں میں سے 40 پوائنٹس کے ساتھ ون ڈے سُپر لیگ ٹیبل میں پانچویں نمبر پر ہے جبکہ افغانستان اب تک تینوں میچوں میں کامیابی کے ساتھ 30 پوائنٹس کے ساتھ آٹھویں پوزیشن پر ہے۔
