اوکوہارا اور انٹنسن نے جیتے ڈنمارک اوپن خطاب

ڈنمارک اوپن بیڈ منٹن ٹورنامنٹ میں اتوار کے روز دوسری سیڈ جاپان کی نوجومی اوکوہارا اور تیسری سیڈ ڈنمارک کے اینڈرس انٹنسن نے بالترتیب خواتین اور مردوں کے سنگلز خطاب جیت لئے۔

اوکوہارا نے مسلسل گیموں میں تیسری سیڈ اسپین کی کیرولینا مارن کو 21–19 21۔17 سے شکست دے کر خواتین سنگلز ٹائٹل اپنے نام کیا۔ اوکوہارا نے میچ 56 منٹ میں جیتا۔ یہ عالمی نمبر چار جاپانی کھلاڑی اور مارن کے درمیان کیریئر کا 16 واں میچ تھا اور اس جیت کے ساتھ اوکوہارا نے ریکارڈ 8-8 کرلیا ہے۔

مینز کیٹیگری کے فائنل میں انٹنسن نے ساتویں سیڈ ہم وطن راسمس گیمکے کو ایک گھنٹے اور 14 منٹ میں 18-21 21-19 21-12 سے شکست دے کر ٹائٹل اپنے نام کیا۔ انٹنسن کیریئر میں گیمکے کے خلاف چار میچوں میں چوتھی جیت حاصل کرنے میں کامیاب رہے ہیں ۔