حیدرآباد میں پیدا ہونے والی بیڈمنٹن کھلاڑی سندھو نے اپنے ٹویٹر ہینڈل پر تحریر کیا کہ میں اس کے ذریعے کووڈ 19 کے خلاف لڑنے کے لئے ریاست تلنگانہ اور آندھرا پردیش کے چیف منسٹر ریلیف فنڈ میں پانچ پانچ لاکھ روپے کی رقم عطیہ کرتی ہوں۔
واضح رہے کہ ہندوستان میں کورونا کے پازیٹئو معاملات کی تعداد 600 کے نشان کو عبور کر چکی ہے ، جبکہ اب تک 13 اموات کی اطلاع ملی ہے، جس سے حکومت نے اس وائرس کے پھیلاؤ کو روکنے کے لئے 14 اپریل تک ملک میں لاک ڈاؤن کا اعلان کیا ہے۔
دنیا بھر میں 4،00،000 سے زیادہ افراد کو متاثر کرنے والی اس مہلک بیماری نے ٹوکیواولمپک کھیلوں کو اگلے سال تک کے لئے ملتوی کرنےکے علاوہ اولمپک کوالیفائر سمیت دنیا بھر میں کھیلوں کی تمام سرگرمیوں کو روک دیا ہے۔ اس نے عالمی سطح پر 21،000 سے زیادہ افراد کی جانیں لی ہیں۔
بیڈمنٹن کی مشہور کھلاڑی پی وی سندھو نے کورونا وائرس سے لڑنے کے لئے دونوں تلگو ریاستوں تلنگانہ اور اے پی کے لئے فی کس پانچ لاکھ روپئے عطیہ کا اعلان کیا۔
انہوں نے اس خصوص میں انگریزی میں کئے گئے ٹوئیٹ میں کہا کہ وہ وزرائے اعلی کے ریلیف فنڈ میں پانچ لاکھ روپئے فی کس عطیہ دیں گی۔
سندھو کا یہ ٹوئیٹ اس وقت سامنے آیا ہے جب ان ریاستوں کی مشہور شخصیات نے اپنے اپنے طورپر وزیراعلی کے ریلیف فنڈ میں عطیہ دینے کا اعلان کیا ہے۔
