ہر ایک کے ساتھ صحیح ہونا چاہئے: سلمان خان

گذشتہ ڈھائی ماہ سے تینوں نئے زرعی قوانین کو واپس لینے کے لیے کسان احتجاج کر رہے ہیں۔ عالمی پاپ اسٹار ریحانہ اور کچھ بین الاقوامی مشہور شخصیات نے ٹویٹ کے ذریعے دنیا بھر کی توجہ اس جانب مبذول کروائی ہے۔

اس کے بعد اکشے کمار، کرن جوہر، سچن تندولکر، ویراٹ کوہلی، لتا منگیشکر، سریش رائنا، سائنا نہوال جیسی کئی مشہور شخصیات نے اس کی مخالفت کا اظہار کیا ہے۔ انہوں نے بیرونی مداخلت کی مخالفت کرتے ہوئے سوشل میڈیا پر اپنی رائے کا اظہار کیا اور اسے داخلی معاملہ قرار دیا اور باہمی رضامندی سے اس کو حل کرنے پر زور دیا۔

سلمان خان نے کسان تحریک پر اپنی رائے دیتے ہوئے کہا کہ 'بالکل صحیح چیز ہونی چاہیے ہر ایک کے ساتھ۔'

ٹی وی پر آئندہ نئے شو انڈین پرو میوزک لیگ کے موقع پر شوٹنگ کے لیے سلمان خان گوریگاؤں فلم سٹی پہنچے تھے۔