بالی ووڈ کی خوبصورت اداکارہ اروشی روتیلا آج اپنی 28 ویں سالگرہ منا رہی ہیں۔ اروشی کی پیدائش 25 فروری 1994 کو اتراکھنڈ میں ہوئی۔
اروشی نے اداکار سنی دیول کی فلم ' سنگھ صاحب دی گریٹ' سے بالی ووڈ میں قدم رکھا تھا۔ اپنی سالگرہ کے موقع پر اداکارہ نے سوشل میڈیا پر اپنی خوبصورت تصاویر اور ویڈیو شیئر کیے ہیں۔ اداکارہ نے سالگرہ کی مبارکباد دینے والے مداحوں کو شکریہ بھی ادا کیا ہے۔ Urvashi Rautela Shared Pictures on Birthday
اروشی نے ویڈیو اور تصویریں شیئر کرتے ہوئے اپنے مداحوں کا تہہ دل سے شکریہ ادا کیا ہے۔ اداکارہ نے انسٹاگرام اکاؤنٹ پر اپنے اس ویڈیو اور تصاویر کو شیئر کرتے ہوئے لکھا ہے کہ ' سالگرہ کی مبارکباد دینے کے لیے آپ سب کا شکریہ'۔
اس کے علاوہ اروشی نے ایک نوٹ بھی پوسٹ شیئر کیا ہے۔ اداکارہ نے لکھا ' یہ ایک خوبصورت دن ہے، یہ ایک بہت یادگار پل ہے، میری زندگی میں جتنی خوبصورتی ہے اس کے لیے میں بہت شکرگزار ہوں۔ میں اپنے تمام مداحوں، دوست اور رشتہ داروں کو شکریہ کہنا چاہتی ہوں، جنہوں نے مجھے میرے خاص دن پر یاد کیا۔ خاص کر میں اپنے دوستوں کا شکرہ ادا کرنا چاہتی ہوں۔ مجھے جنوبی افریقہ، انگلینڈ، فرانس، کولمبیا اور کینیڈا سے مبارکباد ملی ہے، آپ سبھی کو پیار'۔
واضح رہے کہ اداکارہ نے انکشاف کیا ہے کہ وہ اپنے ہر سالگرہ پر گھر میں پوجا کرتی ہیں اور ان کے والدین 1 فروری سے ہی ان کی جنم دن کی تیاریاں شروع کردیتے ہیں۔
قابل ذکر ہے کہ اروشی روتیلا نے مس دیوا یونیورس 2015 کا خطاب جیتا تھا۔ انہوں نے مس ٹین انڈیا 2009 کا خطاب بھی جیتا ہے۔ اروشی نے انڈین پرنسس 2011، مس ٹورزم ورلڈ 2011 اور مس ایشین سپرماڈل 2011 کا خطاب بھی اپنے نام کیا تھا۔
اداکارہ کی آخری بار فلم سنہ 2020 میں ریلیز ہوئی ورجن بھانوپریا تھی۔ اروشی جلد ہی ' بلیک روج' سے تیلگو فلم انڈسٹری میں قدم رکھنے جاری ہیں۔
مزید پڑھیں: Shahid Kapoor Birthday Special: شاہد کپورنے اپنی بااثر اداکاری سے ہندی سنیما میں جان بھردی
