امیت مسورکر کی ہدایت کاری میں بننے والی فلم شیرنی میں ودیا بالن نے مرکزی کردار ادا کیا ہے۔ شیرنی میں ودیا بالن نے فاریسٹ افیسر کا کردار ادا کیا ، جو انسان اور جانوروں کی جد و جہد کی دنیا میں تال میل قائم کرنے کی کوشش کرتی ہے۔
ودیا بالن نے سوشل میڈیا پر ٹیزر شیئر کرتے ہوئے لکھا ’’ایک ٹائگریس ہمیشہ راستہ جانتی ہے۔ شیرنی کی دہاڑ سننے کے لئے تیار ہیں؟ ‘‘
بتایا جارہا ہے کہ یہ فلم انسان اور جنگلی حیات کے درمیان ہونے والے ٹکراؤ پر مبنی ہے، جس کی کہانی اوانی نامی شیرنی کے مشہور زمانہ قتل کے گرد گھومتی ہے۔ نومبر 2018 کے دن ایک شوٹر نے محکمہ جنگلات کے عہدیداروں کی ہدایت پر اوانی کو مارڈالا تھا۔ محکمہ کے مطابق اوتنی نے مہاراشٹر میں 13 افراد کو ہلاک کیا تھا ، لہذا حکام نے اس خوفناک شیرنی کو مارنے کا فیصلہ کیا۔
فلم جون میں او ٹی ٹی پلیٹ فارم ایمیزون پرائم پر ریلیز کی جائے گی۔ فلم شیرنی میں ودیا بالن کے علاوہ برجیندر کالا شرد سکسینہ ، مکول چڈھا ، وجے راج ، ایلا ارون ، کرشنا بشٹ اور نیرج کابی نے بھی اہم کردار ادا کئے ہیں۔
یو این آئی۔
